Mateus 8

Yesu Komuhonya Mtumigwa wa Mkulu wa Asikali Mia wa Loma

5 Yesu viyengile Kapenaumu, mkulu wa asikali mia wa Loma kamwizila, kamuyalalila 6 na kulonga, "Mndewa, mtumigwa wangu katambalala ukae, kaholola, mtamu ng’hani."

7 Yesu kamulongela, "Nokwiza kumuhonya."

8 Ija imkulu wa asikali mia wa Loma kamwidika, "Mndewa, nie silumbile gweye wingile mng’anda yangu, ila longa mbuli tu, na mtumigwa wangu kohona. 9 Kwavija nie mwenyego na munhu nikigwe hasi ya udaho, nna asikali hasi yangu. Nomulongela imwe, ‘Genda!’ na heyo kochola, na nomulongela iyagwe, ‘Izo!’ na heyo kokwiza. Na nomulongela mtumigwa wangu, ‘Tenda vino!’ na heyo kotenda."

10 Yesu viyahulike vino, kakanganya na kuwalongela waja wakalile womkoleleza, "Nowalongela ikweli, sinamona munhu yoyose muisi ya Islaeli yali na nhamanila ng’hulu kamba ino. 11 Nowalongela kamba wanhu bwando wokwiza kulawa haulawilo wa zua na hauswelo wa zua*8:11 Wanhu bwando wokwiza kulawa haulawilo wa zua na hauswelo wa zua nhegulo yake Wamhazi bwando wokwiza kulawa kila hanhu muulumwengu wose. na wokala hana ulusona hamoja na Ablaham, Isaka, na Yakobo Muundewa wa Kuulanga. 12 Ila Wana wa Undewa*8:12 Wana wa Undewa nhegulo yake Wayahudi. wokwasigwa hanze mdiziza, ako kondawalile na kugegedula meno." 13 Abaho, Yesu kalonga na ija imkulu wa asikali mia wa Loma, "Genda, yotendeka kamba vija vuutamanile."

Na kipigiti kikija mtumigwa wake kahona.