Kanu, kəbɔtər kɔ
7 Nəna aŋɛ imbɔtər mɔ, pabɔtərɛnɛ,
bawo kəbɔtər dokom da Kanu dɔ kəyɛfɛ.
Nwɛ o nwɛ ɔbɔtər, dokom da Kanu d’ɛyɛfɛ,
k’ɛncərɛ sɔ Kanu.
8 Nwɛ ɔntɔbɔtər mɔ, ɛncərɛ fɛ Kanu ali katin,
bawo Kanu, kəbɔtər kɔ.
9 Tantɛ tɔ kəbɔtər ka Kanu kənamentərnɛ su dacɔ:
Kɔ Kanu kəsom wan kɔn sona doru ntɛ tɔŋsɔŋɛ pəmar su səsɔtər kɔ kiyi wəyeŋ mɔ.
10 Kəbɔtər kaŋkɔ,
bafɔ sən’ɔbɔtər Kanu,
mba nkɔn ɔbɔtər su.
Kɔ Kanu kəmbɔtər su haŋ kɔ kəsom wan kɔn,
nwɛ ɔyɔnɛ poloŋnɛ mpɛ poŋkump kiciya kosu mɔ.
16 Kɔ səna, səncərɛ kəbɔtər nkɛ Kanu kəmbɔtər su mɔ, kɔ səŋgbɛkər kəbɔtər kaŋkɔ kəlaŋ.
Kanu, kəbɔtər kɔ. Nwɛ eŋyi kəbɔtər disrɛ mɔ, eyi dəKanu, Kanu kəyi dəwəkayi.
19 Kɔ səna, səmbɔtər, bawo Kanu kənanuŋkɛnɛ kəbɔtər su.