Resultados da busca por "salvação"

23Aw angaya mayu uman ya nati na baka na pigpatabaꞌ, aw tumba͡a mayu. Naten magpista,

24kay ya iseꞌ ku ini kasiling na nyatay da aw nyataw uman salut! Nyalagak idtu muna aw nyuliꞌ da adun.’ Yanagaw migpalekat silan migpista.

32Umbaꞌ saba kitadun magleya kay ya mangud mu ini la! Kasiling sakanan na nyatay da aw nyataw uman salut! Nyalagak idtu muna aw adun kyinitaꞌ da.’ "

7Idtu na muna, madyaw to-o ya pagdalug mayu sa palna-u ni Kristu. Singalan kaꞌ ya migbalabag kamayu sa pagdalug mayu sa matinaw na palna-u?

10Manang asuntu na nyakasambuk da kamu kan Kristu, kya-ede-an ku na yan saba ya dalugun mayu ya pigpalna-u ku kamayu idtu muna. Aw ya utaw na migpabelengbeleng kamayu, un sakanan pa-emel-emelen na Tyumanem.

25Asuntu na pigbagu la kitadun na Ispiritu Santo, yanagaw dalugun tadun ya kanan pagkaliman.

5Aw kya-ede-an da mayu na nyadi si Jisu-Kristu asini tas na lupaꞌ pada lanasen ya manga salaꞌ tadun. Walaꞌ ya salaꞌ dun ni kanan,

6yanagaw kun singalan ya awun da ni kan Kristu, diliꞌ da sakanan magpakasalaꞌ. Manang pangkay singalan ya magpadeleg mag-imoꞌ sa salaꞌ, tengteng na walaꞌ nan ka-ede-i kun singalan si Jisu-Kristu.

16Maynini ya pagka-edeꞌ tadun sa tengteng na pagginawa: Migpakamatay si Jisu-Kristu asuntu sa manga salaꞌ tadun. Aw yeiy ya du-an na tumabang kitadun sa kanaten manga inulug pangkay pa adti pagkamatay.

6Idtu muna, pigkasambukan na anenganeng mayu na pitulun ya utaw yan. Manang umbaꞌ da ya pagpitul mayu kanan.

10Yanagaw kun singalan ya pigpasinsiya͡an mayu, pigpasinsiya͡an da ku uman sakanan. Gayed aku magpasinsiya, kay yeiy saba ya pagkaliman ni Kristu aw awun ma-untung mayu dun.

11Kay kun magpasinsiya͡ay kitadun, diliꞌ kitadun kagawayan ni Satanas aw diliꞌ nan uman degen. Kay kya-ede-an da saba tadun ya kanan kapandayan.

7aw dayaw aku nyatuwad dun ni lupaꞌ, aw awun tingeg na dyengeg ku, ‘We Saulo! We Saulo! Anangaꞌ aku mu gayed pamulayaman?’

13Aw dyumulud si Ananiyas kanak aw nyindeg adti tampid ku, law nan, ‘Kay inulug Saulo, kumitaꞌ da kaw!’ Aw dayaw aku kyumitaꞌ salut aw kyinitaꞌ da ku sakanan.

16Na, unu pa ya tyagadan mu adun? Pagbangun da kaw aw pagpaba͡utismu la kaw, aw tawaga ya ngalan nan pada kalinisan kaw sa kanmu manga salaꞌ.’

4Na, asuntu na pigsuguꞌ na Ispiritu Santo si Bérnabi aw si Saulo, nyanaw silan pasinan adti pantalan na Séléyuciya. Lekat dun, syumakay silan sa barko pasinan adti puluꞌ na Cipré.

23Aw lekat adti kanan buwadbuwad ya Magpaluwa-ay sa manga utaw na Isra-él, kasiling na dadan da nan pigpakang. Si Jisus saba ya Magpaluwa-ay yan.

34Aw yan uman ya pigpasulat asini muna na Tyumanem, na un nan matawun si Jisus lekat adti pagkamatay aw diliꞌ da salut matay, law nan,‘Un ku atag adti kamayu ya manga kadyawan na dadan da ku pigpakang kan Dabid.’13:34 Mabasa adti Isayas 55:3.

13aw migtatawag silan, "Kay Jisus na Magpalna-uway! Kallati beg kami."

16Aw lyumuhud sakanan aw dyumukduk adti siki ni Jisus, aw to-o migpasalamat kanan. Na, ya utaw yeiy, Samariyanen sakanan.

30Aw maynan uman ya ma-imoꞌ dun ni paglikuꞌ ku na Iseꞌ na Utaw.

10Pangkay singalan na ya datengan nan un allangen, allangen saba. Aw kun ya datengan nan patayen, un saba sakanan patayen. Asuntu na mangintu-uway da kamu kan Jisu-Kristu, ti-isa mayu ya madég na pamulayam aw padelega ya kamayu pagpangintu-u.

14Aw magi sa manga pangilala na pigpa-imoꞌ kanan na tagnaꞌ na ayep, kyagawayan nan ya manga utaw na nyeyaꞌ asini tas na lupaꞌ. Aw pigsuguꞌ nan silan na mag-imoꞌ sa inutaw na tagnaꞌ na ayep na kyapali-an magi sa kampilan manang walaꞌ kamatay.

17Kun walaꞌ ya marka nilan, diliꞌ silan makabaligyaꞌ aw makabayad. Aw ya marka, yan ya numiro na palangad ngalan na tagnaꞌ na ayep.

8Kay manga inulug ku na kanak pigginawa͡an, diliꞌ mayu pagkalingawan na ya sammalalan (1,000) ka umay sangallaw oloꞌ adti kana Tyumanem. Aw ya sangallaw kasiling na sammalalan (1,000) ka umay.

10Manang lumikuꞌ saba ya Matas na Pangulu tadun, aw ya allaw na paglikuꞌ nan kasiling na pagdateng na matakaw na diliꞌ imanmanen na dumateng sakanan. Aw dun ni allaw yan, awun mangkabaklaꞌ na dalagunut na dengegen, aw mabus mangkasangab ya kadég na awun ni dalem na langit aw ya asini kadakulaꞌ na banwa.

18Manang padelega mayu ya pagtulin dun ni kallat nan aw dun ni pagka-edeꞌ sa kanaten Matas na Pangulu aw Magpaluwa-ay na si Jisu-Kristu. Aw sakanan oloꞌ ya umbaꞌ basa͡an pangkay adun aw walaꞌ ya tyamanan! Amén.

4Aw sa pagluwaꞌ da na kadég na karniro nan, magma-una sakanan kanilan. Aw dumalug silan kanan kay kyilala nilan ya tingeg nan.

40Aw lyumikuꞌ salut si Jisus adti dipag na tubig na Jordan adti banwa na pigba͡utismuwan ni Juan idtu muna. Aw dun pa sakanan katingen.

42Aw dun ni banwa yan, awun madég na manga utaw na nyangintu-u la kan Jisus.

10Pangumusta͡an aku mayu kan Apélés. Sambuk sakanan na kyapulba͡an na to-o la masalig ya kanan pagpangintu-u kan Kristu. Pangumusta͡an aku mayu uman sa kadég na ka-epedanan ni Aristobulo dun ni balay.

20Aw ya Tyumanem na lyekatan sa kalinaw, diliꞌ madugay tabangan kamu nan na degen si Satanas. Ayin pa aku galu na ya grasya ni Jisu-Kristu na kanaten Matas na Pangulu awun gayed ni kamayu.

24[Ayin pa aku galu na ya grasya ni Jisu-Kristu na kanaten Matas na Pangulu awun gayed ni kamayu. Amén.]

9Na, ya kadég na utaw na kyuman dun, manga upatemmalalan (4,000). Aw pagkatigkas nilan kuman, pigpapanaw silan ni Jisus.

18Awun saba mata mayu, anangaꞌ walaꞌ mayu kita-a? Awun saba talinga mayu, anangaꞌ walaꞌ mayu dengega? Unu, kyalingawlingawan da mayu ya kyinitaꞌ mayu

25Aw pigbetang pa uman ni Jisus ya manga palad nan adti manga mata na eseg. Aw sa pagtandaw nan salut, dayaw da kyumitaꞌ aw mabangal da ya pag-inunu nan.

1Manang asini muna awun uman manga sallong kunu propita na migpalna-u sa galuꞌ adti manga utaw na Isra-él. Aw maynan uman, awun dun ni kamayu na un magpalna-u sa galuꞌ. Ya tud na palna-u nilan ya makapagkalat sa kamayu pagpangintu-u. Balyaw nilan si Kristu na Matas na Pangulu tadun na yan ya miglekat kanilan adti manga salaꞌ nilan. Aw asuntu sa palna-u nilan na galuꞌ, maksay dumateng kanilan ya pa-emel-emel na Tyumanem.

2Aw madég ya dumalug sa imo-unun nilan na to-o malatay. Aw yanagaw madég ya maglong sa malatay adti matinaw na palna-u ni Kristu.

20Yanagaw kun singalan ya nyangintu-u la sa kanaten Matas na Pangulu aw Magpaluwa-ay na si Jisu-Kristu, nyakaluwaꞌ da silan lekat adti pag-allang na malatay asini tas na lupaꞌ. Manang kun magpaliput aw magpa-allang silan salut sa malatay, to-o pa baling malat ya un nilan datengan kay sa idtu muna sa walaꞌ pa silan paka-edeꞌ kan Kristu.

2Padatengen galu adti kamayu ya grasya aw kalinaw na lyumekat adti Tyumanem na yan ya Ama tadun aw adti kan Jisu-Kristu na kanaten Matas na Pangulu.

9Kay pigbukasan da nan adti kanaten ya kanan palpa na pigtaguꞌ asini muna. Aw dun yeiy katuman ni kan Kristu.

20pagmataw aw pagpa-ingkud nan kan Kristu adti kalintu nan na adti tas na langit.

4Kay pigdawat mayu ya manga eped na magpalna-uway na sallong kunu apostolés, aw pigdawat mayu baling ya baluk na palna-u nilan kun singalan si Jisus. Ya kanilan palna-u walaꞌ pag-unawa sa pigpalna-u nami kamayu na matinaw, manang miglong baling silan na yan ya Madyaw na Ubat-ubat. Aw pigpalna-uwan kamu nilan sa sangkamuluꞌ na ispiritu na bekeꞌ na Ispiritu Santo na pigdawat da mayu idtu muna. Na, anangaꞌ mayu silan pakanyegan?

5Ya manga sallong kunu apostolés yeiy, iman nilan aw to-o dakulaꞌ ya kanilan kya-ede-an aw matas ya kanilan katundanan. Unu kaꞌ, matas pa silan kanak?

22Migpalibantug silan na Hibriyuwanen silan. Aku uman Hibriyuwanen. Migpalibantug silan na utaw silan na Isra-él. Aku uman utaw na Isra-él. Aw miglong silan na si Abraham ya kanilan tyugbulan. Yan uman ya kanak tyugbulan.

20Yanagaw dun ni allaw na kita-en aku mayu salut, ka-ede-an da mayu na aku awun ni Ama. Aw ka-ede-an mayu uman na nyaka-akup kamu kanak, aw aku awun gayed ni kamayu.

24Manang ya utaw na walaꞌ ya pagginawa kanak, walaꞌ nan uman daluga ya manga palna-u ku. Aw ya pigpalna-u ku na pigdengeg mayu, walaꞌ lekat adti kanak manang lekat adti Ama na migpadala kanak.

30Dakman tagbiꞌ ya udas na pagbalawbalaw tadun kay awun da ya migdumala asini tas na lupaꞌ na si Satanas. Diliꞌ aku degen na katulus nan,

7Si Jisus aw ya kanan manga umagakan, nyadtu silan adti baklayan na danaw. Aw dyumalug kanilan ya to-o madég na utaw na lekat dun ni Galiliya aw adti Judiya.

19aw si Judas Iskariyoti. Si Judas yeiy, yan ya miglubid kan Jisus.

29Manang ya utaw na maglong sa malatay adti Ispiritu Santo, yan ya salaꞌ na diliꞌ mabatug lanasen. Aw ya sampetan na salaꞌ yeiy, pa-emel-emelen na Tyumanem na walaꞌ ya tyamanan."

8Aw yeiy saba ya matinaw. Ya matas na dengeg ku idtu muna, walaꞌ da ku yan anenganenga. Yan baling ya dakulaꞌ na ma-untung ku adun ya pagka-edeꞌ ku kan Kristu Jisus na kanak Matas na Pangulu. Asuntu kanan, pig-ayawan da ku ya kadég na idtu muna na walaꞌ ya ma-untung pada madalug ku si Kristu

9aw makasambuk aku kanan. Walaꞌ da ku saligi ya manga imo-unun ku na matulid aw ya pagdalug ku sa Uldin na manga Judiyu. Manang syumalig da aku adun kan Kristu. Aw ya pagpangintu-u ku kanan, yan ya du-an na pigdawat da aku na Tyumanem kasiling na walaꞌ da ya salaꞌ.

10Yan ya kaliman ku na to-o ku ka-ede-an si Kristu aw ya katulus na pagkataw nan lekat adti pagkamatay. Aw kaliman ku agiyan ya pagti-is na kya-agiyan ni Kristu, aw masiling kanan dun ni pagkamatay nan.

13aw magtati-isay kamu. Kun awun diklamu mayu sa kamayu eped, magpasinsiya͡ay kamu baling. Kay piglanas da ni Kristu ya manga salaꞌ mayu, yanagaw pasinsiyayi uman ya kamayu eped.

15Aw tumbayan na ya kalinaw na pig-atag ni Kristu kamayu, yan ya maggagad sa kamayu anenganeng. Kay pigtawag da kamu nan pada ma-imoꞌ da sambuk na lawas na yan ya manga mangintu-uway. Aw gayed kamu pagpasalamat adti kanan.

17Aw pangkay unu ya imo-un mayu aw paglongun mayu, imo-a yan dun ni ngalan na kanaten Matas na Pangulu na si Jisus. Aw magi kanan, pasalamati mayu ya Tyumanem na yan ya Ama.

5Yanagaw umbaꞌ sakanan deyen na walaꞌ ya tyamanan. Amén.

7Walaꞌ ya eped na matinaw na palna-u, oloꞌ saba kan Kristu. Manang awun manga utaw na nyawun dun ni kamayu na migpabelengbeleng sa pagpangintu-u mayu, aw kaliman nilan balukun ya Madyaw na Ubat-ubat kan Kristu.

10Asuntu sa piglong ku yeiy, diliꞌ kamu mag-anenganeng na pigkaliman ku na sayaꞌ aku na manga utaw. Bekeꞌ saba na maynan! Yan saba oloꞌ ya kaliman ku na katutukan ya Tyumanem kanak. Kay kun yan ya tud ku na sayaꞌ na manga utaw, na, bekeꞌ aku na tengteng sugu-anen ni Kristu.