Potagalia i Nuncana Jamaʼa
Masaʼala Modhaangiana i Nuncana Jamaʼa i Kota Korintus
10 E manga witinaiku! I nuncana sarona Isa Al Masi Oputa Momalanga, iaku kuemanikomiu mamudhaakana bhari-bharikomiu uposaangu, tee bholi upotagatagali podho-podho ingkomiu, maka ingkomiu uʼusaha to uposaangu mamudhaakana atotuu-totuu usainca tee safikiri. 11 E manga witinaiku, manga mia mominaakana i witinaita bhawine, siitumo Kloe, padhamo apaumbaakaaku pokaiana tee ingkomiu, ande dhaangia tee pogera-gera i tanga-tangamiu roonamo uose manga mia moposala. 12 1:12 Tul. 18:24. Maʼanana ipogauakaku sii mboo sii, i tanga-tangamiu dhaangia tee mopogauna, "Iaku kuose Paul," "Iaku kuose Apolos," "Iaku kuose Kefas,"1:12 Kefas: I nuncana pogau Aram, Kefas akomaʼana "bhatu," apokana tee "Petrus" i nuncana pogau Yunani. Pogau Aram sii sala saangu pogau ipakena raʼeatina Israel i zamanina Isa tee manga murina. atawa "Iaku kuose Al Masi." 13 Buaka o Al Masi sumai atobage-bage? Buaka o Paul atoloe i kau salib to apasalaamatikomiu? Atawa buaka ingkomiu utopapebhaho i nuncana sarona Paul?