Isa Apakoleleaka Matena
20 I tanga-tangana manga mia moumbana moʼibaadati i eona raraea sumai, dhaangia uka tee miana Yunani12:20 miana Yunani: Siitumo mia inda mominaakana i lipuna Israel maka atotandaki tee aose agama Yahudi roonamo aunda asomba Aulataʼala apobhawa tee miana Yahudi; manga mia incia sumai atosarongi 'miana Yunani' roonamo mencuana siwuluna Israel. moumbana moʼibaadati. 21 Manga miana Yunani sumai aumba i Filipus mia mominaakana i Bait Saida i lipu Galilea. Kasiimpo apogau tee Filipus, "Opu, ingkami gaumami takamata Isa." 23 Pogauna Isa i manga incia, "Akawamo wakutuuna Anana Maanusia atomuliangi. 32 Sainamo ande kutopekalanga i alamu sii wakutuuna kutoloe i kau salib, Iaku bhekuhelaia bhari-bharia mia mamudhaakana aumba i Iaku." 33 Tee apogau mboo sumai, Incia padhamo apaumbaaka tuaapa naile itu Incia bheatopekamate.