16 Incia aumba i kampo Nazaret, tampana Incia atopekaoge, tee mboomo kananeana i eona Saputuu4:16 Manga miana Yahudi atumpua Kawasana Opu aponiunto minaaka i karajaana samia-samia i eona Saputuu mamudhaakana manga amembali asomba i Kawasana Opu. Incia apesua i tampana ibaadati, kasiimpomo akakaro to abaca Kitabi Momangkilo. 17 I Incia adhawua Kitabi Nabii Yesaya tee wakutuuna abungkale kalulungina, Incia apotibhaaka aeati motoburina mboo sii,
18 "Rohina Kawasana Opu dhaangia i Iaku,
rampaakanamo Incia padhamo amina-minaiki bhaaku4:18 I zamani manga nabii, ande samia ipilina Kawasana Opu to apamembalia samia nabii, raja, atawa imamu, kananeana o bhaana amina-minaikia to tandana mia sumai atopilimo. to apakawaaka Lele Malape i manga mia misikini;
tee Incia padhamo alambokoaku
19 to kupakoleleaka kabebasi to manga mia itorongku,
tee pokamata to manga mia mawilo,
to kupabebasi manga mia ipisaki,
tee kupaumbaaka wakutuuna rahumatina Kawasana Opu aumbamo."
20 Kasiimpomo Incia atutubhi Kitabi sumai, adhawuakea pendua kalulungina i pagawena, kasiimpo auncura, tee o matana bhari-bharia mia i nuncana tampana ibaadati sumai aposatonto Incia. 21 Kasiimpo Incia apepuu aadhari manga incia kooni, "I eo sii amondomo aeati incia sii wakutuuna ingkomiu urangoa."