Nabii Yahya Mopapebhahona Manga Mia Motoba
1 Wakutuu incia sumai aumbamo Nabii Yahya mopapebhahona manga mia motoba. Incia apakawaaka lele minaaka i Aulataʼala to manga mia i Tana Matuuna Yudea, koonina, 2 3:2 Mat. 4:17; Mrk. 1:15."Tobamo, roonamo amakasumo Pamarintana Aulataʼala!" 3 Inciamo ipogauakana Nabii Yesaya wakutuuna incia apogau,
"Atorango suarana mia mokagora-gorana i tana matuu,
'Pasiapuakea o dhala to Kawasana Opu!
Pekakatea o dhala bheilaloina!' "
4 Pakeana Nabii Yahya atokarajaa minaaka i buluna unta tee o kamandana minaaka i kuli. Sainamo kinandena minaaka i kabhoro tee golana uwanina koo.3:4 Kananeana dhadhina Nabii Yahya apokana mboo kananeana Nabii Ilyas i zamani mangenge. 5 Kasiimpo aumbamo manga mia bhari minaaka i Yerusalem, minaaka i saangua Tana Yudea, tee minaaka i sakaaratea Umala Yordan to apokawaakea. 6 Manga incia aʼakui dosana tee apapebhahoa Nabii Yahya i Umala Yordan.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)