Mateus 5

3 "Amasanaamo manga mia misikini i aroana Aulataʼala,

roonamo manga incia amembalimo uumatina Kawasana Opu i nuncana Pamarintana Aulataʼala.

4 Amasanaamo manga mia momaasina incana,

roonamo Aulataʼala bheapekaogea incana.

5 ✝ 5:5 Zab. 37:11. Amasanaamo manga mia momaluluna incana,

roonamo manga incia bhemotarimana tinaurakana alamu sii.

6 Amasanaamo manga mia momaara tee momatuuna bhorokona to apewau peeluana Aulataʼala,

roonamo Aulataʼala bheapekambosu manga incia.

7 Amasanaamo manga mia modhawuakana kaasi,

roonamo manga incia bheatarima kaasi uka.

8 ✝ 5:8 Zab. 24:3-4. Amasanaamo manga mia momangkilona incana,

roonamo bheakamatea Aulataʼala.

9 Amasanaamo manga mia mobhawana kasanaa i tanga-tangana maanusia,

roonamo manga incia bheatosarongi manga anaana Aulataʼala.

10 ✝ 5:10 1Ptr. 3:14. Amasanaamo manga mia monarakaa roonamo bheapewau peeluana Aulataʼala,

roonamo manga incia amembalimo uumatina Kawasana Opu i nuncana Pamarintana Aulataʼala.

11 ✝ 5:11 1Ptr. 4:14. Umasanaamo ingkomiu, ande rampaakanamo Iaku utomangkatu, utosikisaa, tee afitanaakomiu mia.

12 ✝ 5:12 Tul. 7:52. Ukaunde-undemo tee umasanaamo, roonamo fahalamiu amaoge i sorogaa. I zamani mangenge uka manga nabii atosikisaa."