Ande Iimanita Inda Tapapoosea tee Pewauta, Soo Apokanamo Iimanita sumai Inda tee Gunana
14 E manga witinaiku, opea o faʼedana o mia mopogauna, "Iaku tee iimaniku tee Al Masi," maka o iimani sumai inda asusuakea tee pewauna. Amembali buaka o iimani mboo sumai mopasalaamatia? Atantumo inda! 15 Ande dhaangia o witinaita umane atawa o bhawine inda mokopakeana atawa mokuraakana kinandena saesaeo, 16 kasiimpo dhaangia o mia mominaakana i tanga-tangamiu mopogauna tee manga incia, "Kasanaa to ingkoo! Kuharapuko inda bheunamisi kagari tee ukande kinande sakawana umambosu." Opea o faʼedana to mia incia sumai ande tangkanamo soo upogau mboo sumai, sainamo ingkomiu inda udhawuakea opeopea uka ifaraluuna badana mia incia sumai? 17 Mboomo uka tee iimanita, ande inda tapapoosea tee pewauta, soo apokanamo iimanita sumai inda tee gunana.
18 Maka aipomo dhaangia o mia mopogauna, "Ingkoo tee iimanimu tee iaku dhaangia tee pewauku."
Ande mboo sumai, iaku bhekulawani, "Susuakaaku tuaapa o iimani inda ipapooseaka tee pewau, tee iaku bhekususuakako iimani ipapooseaka tee pewauku." 19 Buaka ingkomiu inda uparacaea ande o Aulataʼala sumai Sakaro-karona? Inciamo giu incia sumai atotuu, maka manga seetani uka aparacaea, tee arengku amaeka roonamo giu incia sumai.
20 E maanusia mokabhongo-bhongo! Iaku bhekubukutiiakakomiu ande o iimanita asia-sia tee inda akoguna ande inda tapapoosea tee pewauta tee manga conto incia sii: 21 2:21 Bhaa. 22:1-14. Inda ukamatea o Nabii Ibrahim opu-opuata apabanarea Aulataʼala2:21 apabanarea Aulataʼala: Maʼanana o Aulataʼala aabhi Nabii Ibrahim o mia mobanara. roonamo pewauna, siitumo wakutuuna incia apasombaaka Ishak i bhawona tampana tunuana kurubani? 22 Buaka indapo atinda ukamatea ande o iimanina tee pewauna Nabii Ibrahim sumai aposaangu sabutuna o iimanina apamondoa pewauna? 23 2:23 Bhaa. 15:6; 2Taw. 20:7; Yes. 41:8. Giu incia sumai padhamo apamondoa mboomo mopadhana motoburina i nuncana Kitabi Momangkilo, "Ibrahim aparacaea tee Aulataʼala, tee o hali incia sumai alentua Aulataʼala amembali saangu kabanara2:23 kabanara: Nabii Ibrahim abanara, ataʼati, tee amakate (oni Ibranina: tsadiq) mencuana kabholosina to amalana, maka rampaakanamo incia aparacaea opea ijanjiakana Aulataʼala to incia. to incia." Rampaakanamo sumai o Ibrahim atosarongi, "Sabhangkana Aulataʼala." 24 Jadi sii-sii atindamo, ande o maanusia atopabanara i aroana Aulataʼala rampaakanamo pewauna, tee mencuana rampaakanamo iimanina.
25 2:25 Yos. 2:1-21. Mboomo uka tee Rahab, bhawine pasunda sumai, buaka incia inda apabanarea pewauna wakutuuna abuniaka mata-matana miana Israel tee atumpua adhala i dhala mosagaanana? 26 Roonamo mboomo bada bheamate ande inda tee rohina, apokana uka tee iimanita bheamate ande inda tapapooseakea tee pewauta.