8 ତିଆର୍‌ ଆଜି ଜାଗାର୍‌ତା ମାନ୍‌ଡ୍ରୁ, ମି ସାତ୍ରୁ ସୟତାନ୍‌ ଆଉଲି ଆନି ପାର୍ଟା ନରେସ୍‍ ୱାଜା ଏଙ୍ଗ୍‌ ଡ଼ିଙ୍ଗ୍‍ଦେଙ୍ଗ୍‌ ପୟ୍‌ଜି ଅସିନାତ୍‌ । 9 ମିର୍‌ ବିସ୍‌ବାସ୍‌ତୁ ଡାଟ୍‍ ତେବାଜି, ତାନିଙ୍ଗ୍‌ ବିରୁଦ୍‌ କିଦୁ । ମାରି ଇକା ମିର୍‌ ନେସ୍‌ତିମାନିଦେର୍‌, ଇୟା ଦୁନିଆଦୁ ମାନି ମି ବିସ୍‌ବାସ୍‌ତି ତଡ଼ାନ୍‌କା ଉଣ୍ତିଙ୍ଗ୍‌ ଇୟାୱାଜା ଦୁଃକ୍‌ ଗଟେଆଜିନାତ୍ । 10 ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ ।