1 ୩:୧ ପ୍ରେରିତ ୧୭:୧୫. ଆୟାଉଣ୍ତିଙ୍ଗ୍, ମାପ୍ ମାରି ୱେନ୍ଡ୍ରେଙ୍ଗ୍ ଆଟ୍ଏଆଜି ତିର୍ କିତାପ୍ ଜେ, ମାପ୍ ୱେନ୍କା ଆତେନ୍ସ୍ଦୁ ଅରେନ୍ନେ ଜିଜି ମାଡ଼ିଜି ତେବାନାପ୍, 2 ମାତର୍ ମିଙ୍ଗିଁ ତିର୍ କିଦେଙ୍ଗ୍ ମାରି ମିଙ୍ଗିଁ ବିସ୍ବାସ୍ ଡାଟ୍ କିନି ଉଣ୍ତିଙ୍ଗ୍ ମି ଲାକ୍ତୁ ମା ତଡ଼ାନ୍ ତିମତିଙ୍ଗ୍ ପୋକ୍ତାନାପ୍ । ୱାନ୍ ମା ୱାଲେ ଅର୍ସେପାଣି କିଜି କ୍ରିସ୍ତଦି ନେଗି କାବୁର୍ ପ୍ରଚାର୍ କିଜି ମାପୁରୁଦି ସେବା କିଜିନାନ୍ । 3 ମି ମୁସ୍କୁ ୱାଜିମାନି କାସ୍ଟୁ ଉଣ୍ତିଙ୍ଗ୍ ଏନ୍ ଏଣ୍ତେସ୍ ସାରି ବାଣାମାକିନ୍, ଇୟାଉଣ୍ତିଙ୍ଗ୍ ୱାନ୍ ମିଙ୍ଗିଁ ସାହାଜ୍ୟ କିନାନ୍ । ଏଣ୍ତେସ୍ବା ମିର୍ ନେସ୍ନିଦେର୍, ମାପ୍ ଇୟାୱାଜା କାସ୍ଟୁ ପୟ୍ନାପ୍, ଇକା ମାପୁରୁଦି ଇଚ୍ଛା । 4 ମି ୱାଲେ ମାନିୱାଲେ, ମାପ୍ ନାଣ୍ତ୍ ଆଗ୍ଡ଼ିରାନ୍ ୱେର୍ତା ସିତାମାର୍ହାପ୍, ମାଙ୍ଗିଁ ଦୁଃକ୍କାସ୍ଟୁ ବୋଗାଦେଙ୍ଗ୍ ଆନାତ୍ । ଇଲେଇ ମିର୍ ନେସ୍ନିଦେର୍, ଟିକ୍ ଆକାନେ ଗଟାନାତ୍ । 5 ଆୟାଉଣ୍ତିଙ୍ଗ୍ ତିମତିଙ୍ଗ୍ ପୋକ୍ତାତା । ନାନ୍ ମାରି ତିର୍ ଆଜି ମାନ୍ଡ୍ରେଙ୍ଗ୍ ଆଟ୍ଏତା । ମିର୍ ମି ବିସ୍ବାସ୍ତୁ ଡାଟ୍ ମାନିଦେର୍ ନୋ ସିଲେ, ନେସ୍ନି ଉଣ୍ତିଙ୍ଗ୍ ନାନ୍ ୱାନିଙ୍ଗ୍ ପୋକ୍ତାତା । ଏଣ୍ତେସାତିଙ୍ଗ୍ ସୟତାନ୍ ମିଙ୍ଗିଁ ପରିକା କିନାତ୍ ମାରି ମା ୱିଜୁ ପାଣି ଆରେଏ ଆନାମାନାତ୍ ? ସିଲେ, ଇକା ଏସ୍କାଙ୍ଗ୍ ପୁରା ଆଏତ୍ ।
6 ୩:୬ ପ୍ରେରିତ ୧୮:୫. ଇଲେଇ ମି ଲାକ୍ତୁରାନ୍ ଡ଼େସି ୱାଜି ତିମତି ମି ବିସ୍ବାସ୍ ମାରି ଜିବନ୍ନୋନି ବିସୟ୍ତାନ୍ ନେଗି ମାଟା ତାତାମାନାନ୍ । ୱାନ୍ ମାଙ୍ଗିଁ ୱେର୍ତା ମାନାନ୍ ଜେ, ମିର୍ ୱିଜୁଦିନ୍ ମା ନେଗି ପାଣି କିଜିନିଦେର୍ ମାରି ମାପ୍ ଏଣ୍ତେସ୍ ମିଙ୍ଗିଁ ସୁଡ଼ୁଦେଙ୍ଗ୍ ବଦା, ମିର୍ ବା ଆୟାୱାଜା ମାଙ୍ଗିଁ ସୁଡ଼ୁଦେଙ୍ଗ୍ ଇଚ୍ଛା କିଜିନିଦେର୍ । 7 ଇୟାଉଣ୍ତିଙ୍ଗ୍, ଏ ତଡ଼ାନ୍କୁ ନି ତାଙ୍ଗିଁକି, ମା ୱିଜୁ ଦୁଃକ୍କାସ୍ଟୁ ସମୟ୍ତୁ ମାପ୍ ମି ଉଣ୍ତିଙ୍ଗ୍ ସାସ୍ ଆଜିନାପ୍ । ମି ଡାଟ୍ ବିସ୍ବାସ୍ନେ ମାଙ୍ଗିଁ ସତ୍ତାନ୍ ଜିପିସ୍ କିତା ଇଟ୍ତାମାନାତ୍ । 8 ମାରିବା ଇଲେଇ ମାପ୍ ଜିତା ମାନାପ୍ ପ୍ରବୁଦି ମାନୁ ତିର୍ ଆତାମାନାପ୍, ମିର୍ ଡାଟ୍ତିୱାଜା ପ୍ରବୁଦି ୱାଲେ ମିସାବିଡ଼ା ଆଜି ଜିଜିମାଡ଼ିଜିନିଦେର୍ । 9 ଇଲେଇ ମି ଉଣ୍ତିଙ୍ଗ୍ ମାପୁ ଆମା ୱେଡ଼ିକାଦୁ ୱେଡ଼ିକା ଆଜିନାପ୍, ଆୟାଉଣ୍ତିଙ୍ଗ୍ ମାପୁରୁଙ୍ଗୁଁ ଏଣ୍ତେସ୍ ଦନ୍ୟବାଦ୍ ସିନାପ୍, ନେସ୍ତେଙ୍ଗ୍ ଆଟ୍ଏଜିନାପ୍ । 10 ମିଙ୍ଗିଁ ବେଟ୍ବୁଡ଼ାଜି ମି ବିସ୍ବାସ୍ତୁ ଆମାକା ଉଣାମାନାତ୍, ଆକା ପୁରା କିଦେଙ୍ଗ୍ ଇଜି ମାଙ୍ଗିଁ ସୁଜୋଗ୍ ସିଦେଙ୍ଗ୍ ୱେଡ଼େନାଡ଼ା ମାପ୍ ମାପୁରୁଙ୍ଗୁଁ ପାର୍ତନା କିଜିନାପ୍ ।
11 ମି ଲାକ୍ତୁ ୱାନି ଉଣ୍ତିଙ୍ଗ୍ ମା ବୁବା ମାପୁରୁ ମାରି ମା ପ୍ରବୁ ଜିସୁ ମା ସାରି ତିଆର୍ କିଜ ସିପିନ୍ । 12 ମି ଉଣ୍ତିଙ୍ଗ୍ ମା ଜିବନ୍ନୋନିକା ଏଣ୍ତେସ୍ ନାଣ୍ତ୍, ଆୟାୱାଜା ନିଜେନିଜେଦି ଉଣ୍ତିଙ୍ଗ୍ ମାରି ୱିଜେରି ଉଣ୍ତିଙ୍ଗ୍ ପ୍ରବୁ ମି ଜିବନ୍ନୋନିକା ନାଣ୍ତ୍ ପିରିସ୍ କିପିନ୍ । 13 ଇୟାୱାଜା ୱାନ୍ ମିଙ୍ଗିଁ ତିର୍ କିନାନ୍ । ଆର୍ତିଙ୍ଗ୍, ମା ପ୍ରବୁ ଜିସୁ ଏସ୍ତିୱାଲେ ମୁସ୍କୁପୁର୍ତି ସାଦୁରି ୱାଲେ ମାରିଡ଼େସି ୱାନାନ୍, ନାସ୍ତିୱାଲେ ମିର୍ ବୁବା ମାପୁରୁଦି ଆଗ୍ଡ଼ି ଦାର୍ମୁ ମାରି ପବିତ୍ର ଆଦେଙ୍ଗ୍ ଆଟ୍ନିମାନିଦେର୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)