କ୍ରିସ୍ତଦି ଜିବନ୍ନୋନିକା
14 ଆୟା ବୁବା ମାପୁରୁଦି ଆଗ୍ଡ଼ି ନାନ୍ ମେଣ୍ତେଙ୍ଗ୍ ଗଟ୍କିଜି ପାର୍ତାନା କିଜିନା । 15 ଇୟାଉଣ୍ତିଙ୍ଗ୍ ଆମା ବୁବାଦିମାଣୁକୁ ମୁସ୍କୁପୁର୍ ମାରି ଦୁନିଆଦି ୱିଜୁ ଇଲୁକୁପରିବାର୍ ୱାନି ସତ୍ ଦରୁ ପୟ୍ଆ ଆତାମାନାତ୍, 16 ଏଣ୍ତେସ୍ ନାନ୍ ପାର୍ତାନା କିନା ୱାନ୍ ୱାନି ଆତ୍ମାଦି ଅଦିକାର୍ ୱାନି ଗୌରବ୍ତି ଉଣ୍ତାକିତିମାନିମାଣୁକୁ ମି ଜିବନ୍ତି ଆତ୍ମାଦିଙ୍ଗ୍ ବପୁ କିନି ଉଣ୍ତିଙ୍ଗ୍ ସାକ୍ତି ସିନାନ୍ । 17 ନାନ୍ ପାର୍ତାନା କିନା, ଏଣ୍ତେସ୍ ମି ବିସ୍ବାସ୍ତି ବପୁଦାନ୍ କ୍ରିସ୍ତ ମି ଜିବନ୍ତୁ ବାସା କିନାନ୍ । ନାନ୍ ପାର୍ତାନା କିନା, ଏଣ୍ତେସ୍ ମି ମୁଲ୍କୁନାଦିକାଲୁ ଜିବନ୍ନୋନିମାଣୁକୁ ତିଆର୍ ମାରି ଡାଟ୍ ଆନାତ୍ । 18 ଆର୍ତିଙ୍ଗ୍, କ୍ରିସ୍ତଦି ଜିବନ୍ନୋନିକା ଜେ ଏସା ନିର୍ଇକା ନି ଅସାର୍, ଏସ ନିରିକା ନି ନିର୍ଇଗୁଟା, ମିର୍ ମାପୁରୁଦି ଆଇଆଇ ଲୋକା ୱାଲେ ଇକା ନେସ୍ତେଙ୍ଗ୍ ଆଟ୍ନିଦେର୍ । 19 ହୁଁ, ମିର୍ ୱାନି ଜିବନ୍ନୋନି ବାକ୍ୟ ନେସ୍ତେଙ୍ଗ୍ ଆଟ୍ନିଦେର୍, ମାରିବା ଇକା ଏସ୍କାଙ୍ଗ୍ବା ପୁରାୱିଜୁ ନେସ୍ତେଙ୍ଗ୍ ଆଟ୍ଇକା । ଇୟାୱାଜା ମିର୍ ମାପୁରୁଦି ୱାଜା ବର୍ତିଦୁ ପୁରାବର୍ତି ଆଦେଙ୍ଗ୍ ଆଟ୍ନିଦେର୍ ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)