21 ମାର୍ତା ଜିସୁଙ୍ଗୁଁ ଇର୍ହାତ୍‌, "ପ୍ରବୁ, ଜଦି ନିନ୍‌ ଇବେ ମାର୍‍ଇମାନ୍ଦି, ଆତିଙ୍ଗ୍‌ ନା ତଡ଼ାନ୍‌ ସାଏତାନ୍‍ମାନ୍ଦି । 22 ମାତର୍‌ ଇଲେଇବା ନାନ୍ ନେସ୍‌ନା, ନିନ୍‌ ମାପୁରୁଙ୍ଗୁଁ ଆମାକା ଲସ୍‌ନି, ମାପୁରୁ ଜେ ଆକା ନିଙ୍ଗିଁ ସିନାନ୍‍ ।"

23 ଜିସୁ ତାନିଙ୍ଗ୍‌ ଇର୍ହାନ୍‌, "ନି ତଡ଼ାନ୍‌ ଜିବନ୍‌ ପୟ୍‌ଜି ନିଙ୍ଗିଁନାନ୍‍ ।"

24 ମାର୍ତା ଜିସୁଙ୍ଗୁଁ ଇର୍ହାତ୍‌, "ୱାନ୍‌ ଜେ ୱିଜ୍‍ନି ଦିନ୍‍ତୁ ମାରିଡ଼େସି ନିଙ୍ଗିଁନି ୱାଲେ ନିଙ୍ଗିଁନାନ୍‍, ଇକା ନାନ୍ ନେସ୍‌ନା ।"

25 ଜିସୁ ତାନିଙ୍ଗ୍‌ ଇର୍ହାନ୍‌, "ନାନ୍ ମାରିଜିନିକାନ୍‍ ମାରି ଜିବନ୍‌; ଏନ୍‌ ନାବାନ୍‍ ବିସ୍‌ବାସ୍‌ କିନାନ୍‌, ୱାନ୍‌ ଜଦିବା ସାନାନ୍‌, ମାତର୍‌ ୱାନ୍‌ ମାରିଡ଼େସି ଜିନାନ୍‍ । 26 ମାରି ଏନ୍‌ ଜିନାନ୍‍ ମାରି ନାବାନ୍‍ ବିସ୍‌ବାସ୍‌ କିନାନ୍‌, ୱାନ୍‌ ଏସାଙ୍ଗ୍‌ବା ସାଏନ୍‌; ଇକା ଇନିକା ବିସ୍‌ବାସ୍‌ କିଜିନି ?"

27 ମାର୍ତା ଜିସୁଙ୍ଗୁଁ ଇର୍ହାତ୍‌, "ହୁଁ ପ୍ରବୁ, ଆମାୱାନିଦି ଦୁନିଆଦୁ ୱାନିକା ମାର୍ହାତ୍‍, ନିନ୍‌ ଜେ ମାପୁରୁଦି ମାରିନ୍‌ ଆୟା ମସିହ, ଇକା ନା ବିସ୍‌ବାସ୍‌ ।"