ଜିସୁ ନି ପିତର୍
15 ୱାର୍ ଉଟି ୱେନ୍କା ଜିସୁ ସିମୋନ ପିତରତିଙ୍ଗ୍ ୱେନ୍ବାତାନ୍, "ଏ ଜୋହନତି ମାରିନ୍ ସିମୋନ, ନିନୁ ଇନିକା ନାଙ୍ଗିଁ ୱାରିମାଣ୍କୁ ନାଣ୍ତ ଜିବନ୍ନୋଜିନି ?"
ୱାନ୍ ୱାନିଙ୍ଗ୍ ଇର୍ହାନ୍, "ହୁଁ, ପ୍ରବୁ," ନାନ୍ ଜେ ନିଙ୍ଗିଁ ଜିବନ୍ନୋଜିନା, ଆକା ନିନ୍ ନେସ୍ନି ।
ଜିସୁ ୱାନିଙ୍ଗ୍ ଇର୍ହାନ୍, "ନା ମେଣ୍ତାପିଲେକାଙ୍ଗ୍ ସାରାକିଆ ।" 16 ଜିସୁ ମାରିଡ଼େସି ରୁଣ୍ତି ଦେବେଙ୍ଗ୍ ୱାନିଙ୍ଗ୍ ୱେନ୍ବାତାନ୍, "ଏ ଜୋହନତି ମାରିନ୍ ସିମୋନ, ନିନ୍ ଇନିକା ନାଙ୍ଗିଁ ଜିବନ୍ନୋଜିନି ?"
ୱାନ୍ ୱାନିଙ୍ଗ୍ ଇର୍ହାନ୍, "ହୁଁ, ପ୍ରବୁ," ନାନ୍ ଜେ ନିଙ୍ଗିଁ ଜିବନ୍ନୋଜିନା, ଆକା ନିନ୍ ନେସ୍ନି ।
ଜିସୁ ୱାନିଙ୍ଗ୍ ଇର୍ହାନ୍, "ନା ମେଣ୍ତେଆଙ୍ଗ୍ ନେଗେନ୍କିଜି ସାରାକିଆ ।" 17 ଜିସୁ ମୁନ୍ଡ୍ରି ଦେବେଙ୍ଗ୍ ୱାନିଙ୍ଗ୍ ୱେନ୍ବାତାନ୍, "ଏ ଜୋହନତି ମାରିନ୍ ସିମୋନ, ନିନ୍ ଇନିକା ନାଙ୍ଗିଁ ଜିବନ୍ନୋଜିନି ?"
ନିନ୍ ଇନିକା ନାଙ୍ଗିଁ ଜିବନ୍ନୋଜିନି, ଇକା ଇନ୍ଜି ୱାନ୍ ମୁନ୍ଡ୍ରି ଦେବେଙ୍ଗ୍ ପିତରତିଙ୍ଗ୍ ୱେନ୍ବାନିଙ୍ଗିଁ ୱାନ୍ ଦୁଃକ୍ ଆଜି ୱାନିଙ୍ଗ୍ ଇର୍ହାନ୍, "ପ୍ରବୁ, ନିନ୍ ୱିଜୁ ବିସୟ୍ ନେସ୍ନି; ନାନ୍ ଜେ ନିଙ୍ଗିଁ ଜିବନ୍ନୋଜିନା, ଆକା ନିନ୍ ନେସ୍ନି ।"
ଜିସୁ ୱାନିଙ୍ଗ୍ ଇର୍ହାନ୍, "ନା ମେଣ୍ତେଆଙ୍ଗ୍ ସାରାକିଆ ।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)