14 ମାତର୍‌ ପଣ୍ତ୍‌ୟତି ଆଦା ସମୟ ୱିଜିତି ୱେନ୍‌କା, ଜିସୁ ମନ୍ଦିର୍‌ତୁ ସଲ୍‌ସି ସିକିୟା ସିଦେଙ୍ଗ୍‍ ଆସ୍‌ତାନ୍‌ । 15 ଆବେଟ୍‌ ଜିହୁଦି ନେତାର୍‌ କାବାଆଜି ଇର୍ହାର୍‌, "ଇକାନ୍‌ ପାଟ୍‍ ପଡ଼ାଏଣ୍ତା ଏଣ୍ତେସ୍‌ ନେସ୍‌ତାନ୍‌ ?"

16 ଆବେଟ୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, "ନା ସିକିୟା ନା ନିଜେଦିକା ଆଏତ୍‍, ମାତର୍‌ ନା ପକ୍‍ତିମାନି ମାପୁରୁଦି ମାଣାନ୍‌ ୱାତାମାନାତ୍‌ । 17 ଏନ୍‌ ଜଦି ମାପୁରୁ ବଦା ମାନାଦେଙ୍ଗ୍‌ ଇଚ୍ଛା ଆନାନ୍‌, ଆରିଙ୍ଗ୍‌ ନା ସିକିୟା ମାପୁରୁ ମାଣ୍‌କୁ ୱାତାମାନାତ୍‍ନୋ, ନା ନିଜେଦି ସାକ୍ତିଦାନ୍ ନୋ ଇଜିନା, ଆକା ୱାନ୍‌ ନେସ୍‌ନାନ୍‌ । 18 ଏନ୍‌ ନିଜେଦି ମାଣାନ୍‌ ଇନାନ୍‌, ୱାନ୍‌ ନିଜେଦି ଗୌରବ୍‍ ପଇନାନ୍‌, ମାତର୍‌ ଏନ୍‌ ନିଜେଦି ପକ୍‍ତିୱାନିଦି ଗୌରବ୍‍ କିଦେଙ୍ଗ୍‌ ବଦା କିନାନ୍‌, ୱାନ୍‌ ସତ୍‌ ଇନାନ୍‌, ମାରି ୱାନିମାନୁ ଇନି ମିସ୍‌ ସିଲେତ୍‌ ।