1 ଅର୍‍ଲେନ୍‍ ଜିସୁ ଉଣ୍ତ୍ରି ବାଡିଦୁ ପାର୍‌ତନା କିଜିମାର୍ହାନ୍‍; ୱାନ୍‌ ପାର୍‌ତନା କିତି ୱିସ୍‍ତିୱେନ୍‍କା, ୱାନି ସିସୁରି ଲୋଇ ଅରେନ୍‍ ୱାନିଙ୍ଗ୍‌ ଇର୍‌ଆନ୍‌, ଏ ପ୍ରବୁ, ଡୁବନ୍‌ସିନି ଜୋହନ ଏଣ୍ତେସ୍‌ ୱାନି ସିସୁରିଙ୍ଗ୍‌ ପାର୍‌ତନା କିଦେଙ୍ଗ୍‌ ଅଜାକିତାନ୍‍, ନିନ୍‌ ବା ଆୟାୱାଜା ମାଙ୍ଗିଁ ପାର୍‌ତନା କିଦେଙ୍ଗ୍‌ ଅଜାକିଆ ।

2 ଆବେଟ୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, ଏସ୍ତିୱାଲେ ମିର୍‌ ପାର୍‌ତନା କିନିଦେର୍‍, ନାସ୍ତିୱାଲେ ଇନ୍‍ଡ୍ରୁ,

ବୁବା,

ନି ପବିତ୍ର ଦରୁ ପେରିକାଆପିତ୍‍ ।

ନି ରାଜି ରାପିତ୍‍ ।

3 ମାଙ୍ଗିଁ ୱିଜୁଦିନ୍‌ ଦର୍‌କାର୍‌ ମାନି କାଦି ସିଦା ।

4 ମା ପାପ୍‌ ୱିଜୁ କେମା କିଆ,

ଇରିଙ୍ଗ୍‌ ମାପ୍‌ ବା ମା ବିରଦ୍‌ତାନ୍‌ ପାପ୍‌ କିତିୱାରିଙ୍ଗ୍‍ କେମା କିନାପ୍‍ ।

ମାଙ୍ଗିଁ ଆଟ୍‌ୱା ପରିକାଦୁ ଆର୍‌ଦେଙ୍ଗ୍‌ ସିମା ।

5 ମାରି, ଜିସୁ ୱାନି ସିସୁରିଙ୍ଗ୍‌ ଇର୍‌ଆନ୍‌, ମି ଆମାୱାନି ଇୟାୱାଜା ତଡ଼୍‍ ମାନାନ୍‌ ନୋ, ଆମାୱାନି ଲାକ୍‌ତୁ ମାଜେର୍‍ନାଡ଼ା ୱାନ୍‌ ସଲ୍‌ସି ଇନାନ୍‌, ଏ ତଡ଼୍‍, ନାଙ୍ଗିଁ ମୁଣ୍ତ୍ରି ରୁଟିଙ୍ଗ୍‌ ଉଦାର୍‌ ସିଦା । 6 ନା ଅରେନ୍‍ ଆଇ ନାଟି ତଡ଼୍‍ ନାବାନୁ ୱାତାମାନାନ୍‍, ୱାନିଙ୍ଗ୍‌ ଉଟ୍‍ପିସ୍‍ତେଙ୍ଗ୍‍ ନାବାନୁ ଇନିକା ସିଲେତ୍‍ । 7 ମାରି ୱାନ୍‌ ଲୋଇରାନ୍‌ ଇୟାୱାଜା ଇନାନ୍‌, ନାଙ୍ଗିଁ କାସ୍ଟୁ ସିମା, ସେର୍‍ଲା କେର୍‍ତାନି, ମାରି ନା କଡ଼ର୍‌ ନାୱାଲେ ସୁଜ୍‍ଜିନାର୍‍; ନାନ୍ ନିଙ୍ଗିଁଜି ନିଙ୍ଗିଁ ସିଦେଙ୍ଗ୍‍ ଆଟ୍‍ଏ । 8 ନାନ୍ ମିଙ୍ଗିଁ ଇଜିନା, ୱାନ୍‌ ଆତିଙ୍ଗ୍‌ବା ୱାନି ତଡ଼୍‍ ଆନାନ୍‌ ଆକା ନିଙ୍ଗ୍‍ଜ ସିଏନ୍‌, ମାତର୍‌ ୱାନ୍‌ ସେମାର୍‍ଆଏଣ୍ତା ରିଜା ମୁଜା ଲୋସ୍‍ତାନ୍‍ଆକା ୱାନ୍‌ ନିଙ୍ଗ୍‍ଜି, ୱାନିଙ୍ଗ୍‌ ଏସା ଦର୍‌କାର୍‌, ୱାନିଙ୍ଗ୍‌ ନାସୋ ସିନାନ୍‍ ।

9 ନାନ୍ ବା ମିଙ୍ଗିଁ ଇଜିନା, ଲୋସ୍‍ତୁ, ଆରିଙ୍ଗ୍‌ ମିଙ୍ଗିଁ ସିଆଇଆନାତ୍‍; ପୋୟଦୁ, ଆବେଟ୍‌କୁ ମିର୍‌ ପୋୟନିଦେର୍‍; ସେର୍‌ଲାଦୁ କତ୍‍ତୁ, ଆବେଟ୍‌କୁ ମି ଉଣ୍ତିଙ୍ଗ୍‌ ସେର୍‍ଲା ରେନାସିନାନ୍‍ । 10 ଇରିଙ୍ଗ୍‌ ଏନ୍‌ ଲୋସ୍‍ନାନ୍‍, ୱାନିଙ୍ଗ୍‌ ପୁଟ୍‍ନାତ୍‍, ଏନ୍‌ ପୋୟନାନ୍‍, ୱାନ୍‌ ପୋୟ୍‍ଦେଙ୍ଗ୍‍ ଆଟ୍‍ନାନ୍‍; ମାରି, ଏନ୍‌ ସେର୍‍ଲାଦୁ କତ୍‍ନାନ୍‍, ୱାନି ଉଣ୍ତିଙ୍ଗ୍‌ ସେର୍‍ଲା ରେନାସିନାନ୍‍ । 11 ମାରି, ମି ଲୋଇ ଇୟାୱାଜା ବୁବା ଏନ୍‌ ମାନାନ୍‌ ? ଆମାୱାନିଙ୍ଗ୍‍ ୱାନି ମାରିସି ମିନି ଲୋସ୍‍ତିଙ୍ଗ୍‍ ୱାନ୍‌ ୱାନିଙ୍ଗ୍‌ ମିନି ବାଦ୍‌ଲୁ ସାରାସ୍‍ ସିନାନ୍‍ ? 12 ମାରି କରୁ ଗୁଡୁ ଲୋସ୍‍ତିଙ୍ଗ୍‍ ୱାନ୍‌ ୱାନିଙ୍ଗ୍‌ ସର୍‍କୁପି ସିନାନ୍‍ ନୋ ? 13 ମିର୍‌ ତାଗ୍‌ଇ ଲୋକୁ ଆତିଙ୍ଗ୍‌ବା ଏସାଙ୍ଗ୍‍ ନିଜେ ନିଜେରି କଡ଼ରିଙ୍ଗ୍‌ ନେଗି ନେଗି ଜିନିସ୍‌ ସିଦେଙ୍ଗ୍‍ ନେସ୍‌ନିଦେର୍‌, ଆରିଙ୍ଗ୍‌ ଏମେ ବୁବା ମୁସ୍‌କୁପୁର୍‌ତାନ୍‌ ସିନାନ୍‍, ୱାନ୍‌ ୱାନିମାନୁ ଲୋସ୍‍ନି ଲୋକାଙ୍ଗ୍‌ ଏସୋ ନାଣ୍ତୱାଜା ପବିତ୍ରଆତ୍ମା ସିନାନ୍‍ !

14 ଅର୍‍ଲେନ୍‍ ଜିସୁ ୱାର୍‍ଗିଦେଙ୍ଗ୍‍ ଆଟ୍‍ଇ ଅରେନ୍‍ ଲୋକ୍‍ମାଣାନ୍ ଦୁବା ପେର୍‍ଜିମାର୍‍ଆନ୍‍, ଦୁବା ସତି ସର୍‌ଇ ୱେନ୍‌କା ଗୁଲା ଲୋକୁ ୱାର୍‍ଗିଦେଙ୍ଗ୍‍ ଆଟ୍‍ତାନ୍‍; ଆବେଟ୍‌ ଲୋକୁ ୱିଜେରେ କାବା ଆତାର୍‌ । 15 ✝୧୧:୧୫ ମାତିଉ ୯:୩୪; ୧୦:୨୫.ମାତର୍‌ ୱାରି ଲୋଇ ଏର୍‌ ଏର୍‌ ଇର୍ହାର୍‌, ଜିସୁ ଦୁବେଙ୍ଗାଁ ପେରିକାନ୍‌ ବାଲ୍‍ଜିବୁଲ୍‍ ସାକ୍ତିଦାନ୍‌ ଦୁବେଙ୍ଗ୍‍ଁ ଡ଼ିସିସ୍‍ନାନ୍‍ ।

16 ✝ ୧୧:୧୬ ମାତିଉ ୧୨:୩୮; ୧୬:୧; ମାର୍କ ୮:୧୧. ଆଇକାର୍‌ ୱାନିଙ୍ଗ୍‌ ଉରିଦୁ ଆର୍‌ପ୍‌ତେଙ୍ଗ୍‌ ବଦା କିଜିମାର୍‍ଆର୍‍ । ଆଦେଙ୍ଗ୍‌ ମାପୁରୁ ଜେ ୱାନିୱାଲେ ମାନାନ୍‌ ଇୟା ସିନାଦି ୱାଜା ୱାନିଙ୍ଗ୍‌ ବାଦଡ଼୍‍ତାନ୍‍ ଉଣ୍ତ୍ରି କାବାଆନି ପାଣି ତର୍‌ତେଙ୍ଗ୍‍ଁ ଇର୍ହାର୍‌ । 17 ମାତର୍‌ ଜିସୁ ୱାରି ମନ୍‍ତି ମାଟା ନେସ୍‌ସି ୱାରିଙ୍ଗ୍‌ ଇର୍‌ଆନ୍‌, ଏମେ ଦେସ୍‌ ବାଗ୍ ଆଜି ନିଜେ ବିରଦ୍‌ତାନ୍‌ ନିଙ୍ଗିଁନାତ୍‍, ଆକା ନାସ୍ଟୁ ଆନା ସନାତ୍‌, ମାରି ଉଣ୍ତ୍ରି ଇଲୁ ରୁଣ୍ତି ବାଗ୍ ଆତିଙ୍ଗ୍‌ ନାସ୍ଟୁ ଆନାତ୍‌ । 18 ମାରି, ସୟତାନ୍ ବା ଜଦି ବାଗ୍ ଆଜି ନିଜେ ବିରଦ୍‌ତାନ୍‌ ନିଙ୍ଗିଁତାନି, ଆତିଙ୍ଗ୍‌ ତାନି ରାଜି ଏଣ୍ତେସ୍‌ ତିର୍‍ଆଜି ତେବାନାତ୍‍ ? ନାନ୍ ବାଲ୍‍ଜିବୁଲ୍‍ତି ସାକାଦାନ୍‌ ଦୁବେଆଙ୍ଗ୍‍ଁ ଡ଼ିସିସ୍‍ନା ଇଜି ମିର୍‌ ତୋ ଇଜିନିଦେର୍‌ । 19 ମାତର୍‌ ନାନ୍ ଜଦି ବାଲ୍‍ଜିବୁଲ୍‍ତି ସାକ୍ତିଦାନ୍ ତାଗ୍‌ଇ ଦୁବେଆଙ୍ଗ୍‍ଁ ପେର୍‍ଜିନା, ଆରିଙ୍ଗ୍‌ ମି କଡ଼ର୍‌ ଏମେ ସାକାଦାନ୍‌ ୱାରିଙ୍ଗ୍‌ ଡ଼ିସିସ୍‍ନାର୍‍ ? ଆଦେଙ୍ଗ୍‌ ୱାର୍‌ ମି ମୁସ୍‌କୁ ବିସାର୍‍ କିନିକାର୍‍ ଆନାର୍‌ । 20 ସିଲେ, ମାତର୍‌ ମାପୁରୁଦି ସାକ୍ତିଦାନ୍ ନାନ୍ ଦୁବେଙ୍ଗ୍‌ ଡ଼ିସିସ୍‍କିନା ମାରି ଇକା ପାର୍‍ମାଣ୍‍ ଆଜିନାତ୍‍ ଜେ ମାପୁରୁଦି ରାଜି ମି ଲାକ୍‌ତୁ ଇଗା ୱାତାତ୍‌ନି ।

21 ଅରେନ୍‍ ବପୁମାନି ଲୋକୁ ଆମାସାନ୍ଦି ଜୁଦ୍‍ କିନି ସାସାପାତି ଆସ୍‌ସି ତିଆର୍‌ ଆଜି ନିଜେଦି ରାଜି ରକିୟା କିନାନ୍‌, ଆୟା ସାନ୍ଦି ୱାନି ୱିଜୁ ସମ୍ପତି ନେଗେନ୍‌ ତେବାନାତ୍‍ । 22 ମାତର୍‌ ଏସ୍ତିୱାଲେ ୱାନିମାଣାନ୍‌ ନାଣ୍ତ ବପୁଦି ଲୋକୁ ୱାନିଙ୍ଗ୍‌ ଡାକ୍‍ସି ଜିଣାନାନ୍‍, ନାସ୍ତିୱାଲେ ଏମେ ଜୁଦ୍‍କିନି ସାସାପାତିଦୁ ୱାନି ଆସା ମାର୍‌ଆତ୍‌, ଆୟାୱିଜୁ ୱାନ୍‌ ରେନା ଅନାନ୍‍, ମାରି ୱାନି ଡଙ୍ଗାଁକିତି ଜିନିସ୍‌ ବାଟାକିନା ଅନାନ୍‍ ।

23 ✝ ୧୧:୨୩ ମାର୍କ ୯:୪୦. ଏନ୍‌ ନା ତରିନ୍‌ ସିଲେନ୍‌, ୱାନ୍‌ ନା ସାତ୍ରୁ; ମାରି, ଏନ୍‌ ନା ୱାଲେ ଉଣ୍ତା କିଏନ୍‍, ୱାନ୍‌ ଇନ୍‍ଙ୍ଗାଁ ଆନିଙ୍ଗାଁ କିନା ପୋକ୍‌ନାନ୍‌ ।

24 "ଏସ୍ତିୱାଲେ ଉଣ୍ତ୍ରି ତାଗ୍‍ଇଦୁବା ଅରେନ୍‍ ଲୋକୁ ମାଣାନ୍‌ ସତିସର୍‌ଇ ୱେନ୍‌କା ଏରୁସିଲି ବାଡିଙ୍ଗ୍‍ ୱିଜୁ ବୁଲାଜି ରମ୍‍ଦେଙ୍ଗ୍‍ ପୟ୍‌ନାତ୍‌, ମାରି ୱାଦ୍‌ ରମ୍‍ଦେଙ୍ଗ୍‍ ବାଡି ପୋୟଏତିଙ୍ଗ୍‍ ଇନାତ୍‍, ନାନ୍ ଏମେ ଇନ୍‍ଡ୍ରଣାନ୍‍ ସତା ୱାତାମାର୍‍ଆ, ନା ଆୟା ଇନ୍‌ଡ୍ର ମାରିଡ଼େସି ସନା । 25 ମାରି, ୱାଦ୍‌ ୱାଜି ଆୟା ଇଲୁ ନେଗ୍ରେଣ୍ତା ସିପାତିକା ମାରି ୱିଜୁ ରସ୍‍ତିକା ସୁଣାତ୍‍ । 26 ନାସ୍ତିୱାଲେ ୱାଦ୍‌ ସଲ୍‌ସି ତାନେମାଣାନ୍‍ ନାଣ୍ତ ତାଗ୍‌ଇ ମାରି ସାତ୍‍ଗୋଟା ଆତ୍‍ମେଙ୍ଗ୍‍ ଅର୍‌ସେ ଆସ୍‍ନା ୱାନାତ୍‌, ମାରି ୱାକ୍‍ ଆବେ ଡ଼ୁଗ୍‍ନେ ନୋ ଆବେ ବାସାନେ, ମାରି ଆୟା ଲୋକ୍‌ତି ପାର୍‍ତୁମ୍‍ତି ଦସ୍‌ ବାଦ୍‌ଲୁ ୱେନ୍‌କାରି ଦସ୍‌ ନାଣ୍ତ ତାଗ୍‌ଇକା ଆନାତ୍‌ ।"

27 ଜିସୁ ଇୟା ମାଟା ଇନିୱାଲେ ଲୋକା ଲୋଇରାନ୍‌ ଅରେତ୍‌ ଆଇମା ନାଣ୍ତ ଆଉଲି ଆଜି ଇର୍ହାତ୍‌, "ଦନ୍ୟ ମି ୟାୟା, ଏଦ୍‌ ନିଙ୍ଗିଁ ଜନମ୍‌ ସିତାମାନାତ୍‍ ମାରି ଆୟା ପାଲ୍‍, ଆମାଟ୍‍କୁ ନିନୁ ଉଟିମାନି ।"

28 ଜିସୁ ଇର୍‌ଆନ୍‌, "ସିଲେ, ଏମେକାର୍‌ ମାପୁରୁଦି ବାକ୍ୟ ୱେନାର୍‌, ମାରି ମାନାନାର୍‌, ୱାର୍‌ ଦନ୍ୟ ।"

29 ✝ ୧୧:୨୯ ମାତିଉ ୧୬:୪; ମାର୍କ ୮:୧୨. ଲୋକ୍‌ ୱିଜେରେ ମାନ୍ଦା ମାନ୍ଦା ଆଜି ଜିସୁ ଲାକ୍‌ତୁ ଉଣ୍ତାଜି ମାର୍‍ଇ ୱାଲେ ୱାନ୍‌ ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌, ଇୟା ଦିନ୍‍ତି ମେମାରିଏନ୍‍ ତାଗ୍‍ଇକାର୍‍; ଇକାର୍‌ ସିନା ପୋଇନାର୍‍, ମାତର୍‌ ଜୁନସ୍‍ତି ସିନା ଡ଼ିସ୍‌ତିଙ୍ଗ୍‌ ଆଇ ଆମା ସିନା ୱାରିଙ୍ଗ୍‌ ସିଏର୍‍ । 30 ମାତର୍‌ ଜୁନସ୍‍ ଏଣ୍ତେସ୍‌ ନିନିବିଦିୱାରି ଉଣ୍ତିଙ୍ଗ୍‌ ସିନାଦିୱାଜା ଆତାନ୍‌, ମନୁସ୍ୟପୁତ୍ର ବା ଆୟାୱାଜା ଇୟା ଜୁଗ୍‌ତି ଲୋକା ଉଣ୍ତିଙ୍ଗ୍‌ ଆନାନ୍‌ । 31 ସିବା ଦେସ୍‌ତି ରାଣି ବିଚାର୍‍ତୁ ଇୟା ଦିନ୍‍ତୁ ମେମାର୍‍ଙ୍ଗାଁ ୱାଲେ ନିଙ୍ଗିଁଜି ଇୟାୱାରିଙ୍ଗ୍‌ ଦୋସ୍‌ ଆସିସ୍‍ କିନାତ୍‍, ମାତର୍‌ ସଲମନ୍‍ତି ବୁଦିଦି ମାଟା ୱେନ୍‌ଡ୍ରେଙ୍ଗ୍‌ ଇଜି ଦୁନିଆଦି ଆକ ଦେସ୍‍ତାନ୍‍ ୱାଦ୍‌ ୱାତାମାର୍‍ଆତ୍‍, ମାରି ସୁଡ଼ୁଦୁ, ସଲମନ୍‍ତି ଡ଼ିସ୍‌ତିଙ୍ଗ୍‌ ପେରି ବିସୟ୍‌ ଇୟା ବାଡିଦୁ ମାନାତ୍‌ । 32 ନିନିବିଦି ଲୋକୁ ବିଚାର୍‍ତୁ ଇୟା ଦିନ୍‍ତି ମେମାର୍‍ଙ୍ଗାଁ ୱାଲେ ନିଙ୍ଗିଁଜି ଇୟାୱାରିଙ୍ଗ୍‌ ଦସ୍‌ କିନାର୍‌, ମାତର୍‌ ୱାର୍‌ ଜୁନସ୍‍ତି ପ୍ରଚାର୍‌ତାନ୍‍ ମନ୍‍ ଡ଼େପ୍‍ତା ମାର୍‌ଆର୍‌, ମାରି ସୁଡ଼ୁଦୁ, ଜୁନସ୍‍ତି ଡ଼ିସ୍‌ତିଙ୍ଗ୍‌ ପେରି ବିସୟ୍‌ ଇବେନୁ ମାନାତ୍‌ ।

33 ✝ ୧୧:୩୩ ମାତିଉ ୫:୧୫; ମାର୍କ ୪:୨୧; ଲୁକ ୮:୧୬. "ଏନ୍‌ ଦିୱା କାସିସ୍‍ କିଜ ଆଡ଼ିକ୍‍ସି ବାକ୍‌ରାଦୁ ଇଡ୍‌ଏନ୍‌ ମାରି ଅଡି ଆଡ୍‍ଗି ଇଡ୍‌ଏର୍‌, ମାତର୍‌ ଦିୱା ଇଡ୍‌ନି ବାଡିଦୁ ଇଡ୍‍ନାର୍‍, ଏଣ୍ତେସ୍‌ ଲୋଇ ଡ଼ୁଗୁନି ଲୋକୁ ଜାୟ୍‌ ସୁଡ଼ୁଦେଙ୍ଗ୍‍ ଆଟ୍‍ନାର୍‍ । 34 ମି କାଣ୍‌ଗା ମେନ୍ଦଲ୍‌ତି ଦିୱା । ଏସ୍ତିୱାଲେ ମି କାଣ୍‌ଗା ନେଗିକା ତେବାନାତ୍‍, ନାସ୍ତିୱାଲେ ମି ୱିଜୁ ମେନ୍ଧଲ୍‍ ବା ଜାୟ୍‍ୱାଜା ଆନାତ୍‌; ମାତର୍‌ ଏସ୍ତିୱାଲେ କାଣ୍‌ଗା ତାଗ୍‌ଇକା ମାନାତ୍‌, ନାସ୍ତିୱାଲେ ମି ମେନ୍ଧଲ୍‍ ବା ସିକାଟିୱାଜା ଆନାତ୍‌ । 35 ମାରି ଜାଗାର୍‌ତା, ଏଣ୍ତେସ୍‌ ମି ଜିବନ୍‌ତି ଜାୟ୍‌ ସିକାଟି ଆଏତ୍‍ । 36 ଜଦି ମି ୱିଜୁ ମେନ୍ଧଲ୍‍ ଜାୟ୍‌ ଆନାତ୍‌ ମାରି ଆବେଣି ଇନି ବାଡିଦୁ ସିକାଟି ତେବାଏତ୍‍, ଆତିଙ୍ଗ୍‌ ଦିୱା ଏଣ୍ତେସ୍‌ ଜାୟ୍‍ତୁ ମିଙ୍ଗିଁ ଜାୟ୍‌ ସିନାତ୍‌, ଆୟାୱାଜା ମି ୱିଜୁ ମେନ୍ଧଲ୍‍ ଜାୟ୍‌ ଆନାତ୍‌ ।"

37 ଜିସୁ ମାଟା ଇନ୍‍ଜିମାର୍‍ଇ ୱାଲେ ଅରେନ୍‍ ପାରୁସି ୱାନିଙ୍ଗ୍‌ ୱାନି ଇନ୍‌ଡ୍ର ଉଣ୍ତେଙ୍ଗ୍‌ କୁକ୍‍ତାନ୍‍, ମାରି ୱାନ୍‌ ଇନ୍‌ଡ୍ର ଡ଼ୁଗିତାନ୍‍ ନୋ ଉଣ୍ତେଙ୍ଗ୍‌ ବାସ୍‌ତାନ୍‌ । 38 ମାତର୍‌ ଉଣି ଆଗ୍‌ଡ଼ି ୱାନ୍‌ ଜେ ଆଗ୍‌ଡ଼ି ଏର୍‌ ନର୍‍ବାଏନ୍‍ ମାର୍‌ଆନ୍‌, ଇକା ସୁଡ଼ୁଜି ଆୟା ପାରୁସି କାବା ଆତାନ୍‌ । 39 ଆବେଟ୍‌ ପ୍ରବୁ ୱାନିଙ୍ଗ୍‌ ଇର୍‌ଆନ୍‌, ମିର୍‌ ପାରୁସିର୍‌ ଗାଦେ ଡୁବାଇ ନି ସାଡ଼୍‍ୱାଦି ଆତ୍ରେ ନର୍‍ନିଦେର୍‍, ମାତର୍‌ ମି ଲୋଇ ଡଙ୍ଗାଁକିନିପାଣି ନି ତାଗ୍‌ଇପାଣି ପୁରାମାନାତ୍‍ । 40 ଏ ବୁଦିସିଲିକିଦେର୍‍, ଏନ୍‌ ଆତ୍ରେ ତିଆର୍‌ କିତାନ୍‌, ୱାନ୍‌ ଇନିକା ଲୋଇ ବା ତିଆର୍‌ କିଏତାନ୍‌ ? 41 ମି ଲବ୍ରାଦାନ୍‍ ଆମାକା ଉଣ୍ତାକିତିମାନିଦେର୍‍ ଆକା କାକୁର୍ତି ଲୋକାଙ୍ଗ୍‌ ଦାନ୍‌ ସିଦୁ ଆରିଙ୍ଗ୍‌ ମିର୍‌ ପୁରା ନର୍‌ଆନିଦେର୍‍ ।

42 ମାତର୍‌ ଚି, ଦଣ୍ଡ୍‌ ପୋଇନି ପାରୁସିର୍‌, ଇରିଙ୍ଗ୍‌ ମିର୍‌ ପୋଦିନା, ଆରୁଦ ମାରି ୱିଜୁଜାତିଦି କୁସାପୁଲା ଦସ୍‍ବାଗ୍‍ତାନ୍‍ ଉଣ୍ତ୍ରି ବାଗ୍ ମାପୁରୁଙ୍ଗୁଁ ଦାନ୍‌ ସିନିଦେର୍‍, ମାରି ଆଇ ଲୋକାଙ୍ଗ୍‌ ନ୍ୟାୟ୍‌ ବିସାର୍‌ତୁ ଦୟା ତର୍‌ତେଙ୍ଗ୍‍ଁ ମାରି ମାପୁରୁଙ୍ଗୁଁ ଜିବନ୍‍ନୋଦେଙ୍ଗ୍‍ ବାଣାନିଦେର୍‍; ମାତର୍‌ ଇୟାୱିଜୁ କିନିକା ମାରି ଆଇକା ୱିଜୁ ବାଣାଇକା ମାନାତ୍‌ ।

43 "ଚି, ପାରୁସିର୍‌ ମିର୍‌ ଦଣ୍ଡ୍‌ ପୟ୍‌ନିଦେର୍‌, ଇରିଙ୍ଗ୍‌ ମିର୍‌ ପାର୍‍ତନାକିନି ଇଲ୍‌କାଙ୍ଗ୍‌ ପେରି ବାଡି ମାରି ସାତାସାଉକାଦୁ ମାଡ଼ିସ୍‍କିନିକା ପୋୟ୍‍ଦେଙ୍ଗ୍‍ ଅଡ଼୍‍ବିନିଦେର୍‍ । 44 ଚି, ମିର୍‌ ଦଣ୍ଡ୍‌ ପୟ୍‌ନିଦେର୍‌, ଇରିଙ୍ଗ୍‌ ମିର୍‌ ତର୍‍ଇ ମୁସ୍‌ତି ବାଡ଼ିଦି ୱାଜା; ତାନି ମୁସ୍‌କୁ ନେସ୍‌ଏଣ୍ତା ବୁଲାସାଲାନିକାର୍‍ ଲୋକୁ ଆକା ମୁସ୍‌ତି ବାଡି ଇଜି ନେସ୍‌ଏର୍‌ ।"

45 ଆବେନୁ ସାସ୍ତ୍ରିରି ମାଣାନ୍‌ ଅରେନ୍‍ ୱାନିଙ୍ଗ୍‌ ଇର୍ହାନ୍‌, "ଏ ଗୁରୁ, ଇକା ଇନ୍‌ଜି ନିନୁ ମାଙ୍ଗିଁ ବା ଅପମାନ୍‍ କିଜିନି ।"

46 ୱାନ୍‌ ଇର୍ହାନ୍‌, "ଚି, ସାସ୍ତ୍ରିର୍‍ ଯେ ମିର୍‌ ମିର୍‌ ବା ଦଣ୍ଡ୍‌ ପୋଇନିଦେର୍‍, ଇରିଙ୍ଗ୍‌ ମିର୍‌ ଲୋକାଙ୍ଗ୍‌ ନିୟମ୍‍କୁ ମାନାଦେଙ୍ଗ୍‌ ଇଜିନିଦେର୍‌ ମାତର୍‌ ନିଜେ ମିର୍‌ ଏସାଙ୍ଗ୍‍ବା ଇବେଣି ଉନ୍‌ଡ୍ରି ନିୟମ୍‌ ବା ମାନାଦେଙ୍ଗ୍‌ ସାହାଜ୍ୟକିଇଜିନିଦେର୍‍ । 47 ଚି, ମିର୍‌ ଦଣ୍ଡ୍‌ ପୟ୍‌ନିଦେର୍‌, ଇରିଙ୍ଗ୍‌ ମିର୍‌ ବାବବାଦିରି ମୁସ୍‌ନି ଗୁଟା ତିଆର୍‌ କିଜିମାନିଦେର୍‍, ଆମାୱାରିଙ୍ଗ୍‍ ମି ପୁର୍ବେଦିଡକ୍‌ରାଦାଦାର୍‌ ୱାରିଙ୍ଗ୍‌ ସାୟାମାର୍‌ଗା ଡାକ୍‌ତା ମାର୍‍ଆର୍‍ । 48 ମାରି, ମି ପୁର୍ବେଦିଡକ୍‌ରାଦାଦାରି ପାଣିଦି ବିସୟ୍‌ତାନ୍‌ ମିର୍‌ ସାକି ଆନିଦେର୍‌ ମାରି ଆକା ରାଜି ଆଜିନିଦେର୍‍; ଇରିଙ୍ଗ୍‌ ୱାର୍‌ ଗାଦେ ବାବବାଦିରିଙ୍ଗ୍ ସାୟାମାର୍‌ଗା ଡାକ୍‌ତା ମାର୍‍ଆର୍‍, ମାତର୍‌ ମିର୍‌ ୱାରିଦି ମୁସ୍‌ନିବାଡି ତିଆର୍‌ କିଜିନିଦେର୍‌ । 49 ଆଦେଙ୍ଗ୍‌ ମାପୁରୁ ବା ନିଜେଦି ବୁଦିଦାନ୍‍ ଇର୍‌ଆ ମାନାନ୍‌, ମାପ୍‌ ୱାରି ଲାକ୍‌ତୁ ବାବବାଦି ନି ପ୍ରେରିତ ସିସୁରିଙ୍ଗ୍‌ ପୋକ୍‌ନା; ୱାରି ଲୋଇରାନ୍‌ ଏଙ୍ଗ୍‌ ଏଙ୍ଗ୍‌ ୱାର୍‌ ସାୟାମାର୍‌ଗା ଡାକ୍‌ନାର୍‌ ମାରି ଏଙ୍ଗ୍‌ ଏଙ୍ଗ୍‌ କାସ୍ଟୁ ସିନାର୍‍, 50 ଇୟା ଜଗ୍‍ତି ଲୋକୁ ଦୁନିଆଦି ତିଆର୍‌ଆତି ଆଗ୍‍ଡ଼ିରାନ୍‍ ୱିଜେରେ ବାବବାଦିରି ସାୟାମାର୍‌ଗା ଡାକ୍‌ତିମାନି ଉଣ୍ତିଙ୍ଗ୍‌ ଦଣ୍ଡ୍‌ ପୟ୍‌ନାର୍‌ । 51 ହେବଲ୍‌ତି ଡାକ୍‍ତିମାଣୁକୁ ଆରାମ୍‌ କିଜି ଜିକରିୟଦି ସାନ୍ଦି, ଆମାୱାନିଙ୍ଗ୍‌ ପୁଜାକିନି ବେଦି ମାରି ପବିତ୍ର ବାଡିଦୁ ସାୟାମାର୍‌ଗାଡାକ୍‍ତା ମାର୍‌ଆର୍‌, ହୁଁ, ନାନ୍ ମିଙ୍ଗିଁ ଇଜିନା, ଇୟା ଜଗ୍‍ତି ଲୋକୁ ଆୟା ୱିଜେରି ଉଣ୍ତିଙ୍ଗ୍‌ ଦଣ୍ଡ୍‌ ବଗାନାର୍‍ ।

52 "ଚି, ଦଣ୍ଡ୍‌ ପୟ୍‌ନି ସାସ୍ତ୍ରିର୍‍, ଇରିଙ୍ଗ୍‌ ମିର୍‌ ବୁଦିଦି କୁସିକାଣ୍ତି ନିଜେ ଇଟ୍‍ତିଦେର୍‍; ମିର୍‌ ନିଜେନିଜେ ଡ଼ୁଗ୍‍ଇତିଦେର୍‍ ମାରି ଡ଼ୁଗୁଦେଙ୍ଗ୍‍ ବଦାକିତି ଲୋକାଙ୍ଗ୍‌ ସାରି ସିଇତିଦେର୍‍ ।"

53 ମାରି, ଜିସୁ ଆବେଟ୍‌କୁ ସତିସର୍‌ଇ ୱେନ୍‌କା ସାସ୍ତ୍ରିର୍‍ ନି ପାରୁସିର୍‌ ନାଣ୍ତ ରିସା ଆଜି, 54 ୱାନି ୱେୟୁଦାନ୍‌ ଇନି ତାଗ୍‌ଇ ମାଟା ଆସ୍‌ସି ଉଣ୍ତିଙ୍ଗ୍‌ ଉରିଦୁ ଆର୍‍ପ୍‍ତେଙ୍ଗ୍‍ ୱାନିଙ୍ଗ୍‌ ନାଣ୍ତ ବିସୟ୍‌ତାନ୍‌ ମାଟା ୱେନ୍‍ବାଦେଙ୍ଗ୍‍ ଆସ୍‌ତାର୍‌ ।