12 ମାରି, ୱାନ୍‌ ଉଣ୍ତ୍ରି ନାର୍‍ତୁ ଡ଼ୁଗିତାନ୍‍, ଦାସ୍‍ଲୋକ୍‍ କୁସ୍ଟରୋଗ୍‌ତି ଲୋକୁ ୱାନିଙ୍ଗ୍‌ ମିସାତାର୍‍; 13 ୱାର୍‌ ଆକ ନିଲ୍‍ଜି ନାଣ୍ତ ଆଉଲି ଆଜି ଇର୍ହାର୍‌, "ଏ ଜିସୁ, ଗୁରୁ, ମାଙ୍ଗିଁ ଦୟା କିଆ ।"

14 ମାରି, ୱାନ୍‌ ୱାରିଙ୍ଗ୍‌ ସୁଡ଼ୁଜି ଇର୍ହାନ୍‌, "ମିର୍‌ ସଲ୍‌ସି ନିଜେ ନିଜେଦିଙ୍ଗ୍‍ ଜାଜକରିଙ୍ଗ୍‍ ତର୍‌ତୁ ।" ମାରି, ୱାର୍‌ ସଲ୍‍ପୁ ସଲ୍‍ପୁ ନେଗେଣ୍ତ୍‌ ଆତାର୍‌ । 15 ମାତର୍‌ ୱାରି ମାଣ୍‌କୁ ଅରେନ୍‍ ନିଜେଦି ନେଗେଣ୍ତ୍‍ ଆତିକା ସୁଡ଼ୁଜି ନାଣ୍ତ ଆଉଲି ଆଜି ମାପୁରୁଦି ଦନ୍ୟବାଦ୍‌ କିଜି କିଜି ଡେସି ୱାତାନ୍‌, 16 ମାରି ଜିସୁଦି ପାଦାମ୍‌କା ଆଡ୍‍ଗି ଆର୍‍ଜି ୱାନିଙ୍ଗ୍‌ ଦନ୍ୟବାଦ୍‌ ସିଦେଙ୍ଗ୍‍ ଆସ୍‌ତାନ୍‌; ୱାନ୍‌ ଅରେନ୍‍ ସମିରୋଣିୟ ଲୋକୁ । 17 ଆବେଟ୍‌ ଜିସୁ ଇର୍ହାନ୍‌, "ଦାସ୍‍ଲୋକ୍‍ ଇନିକା ନେଗେଣ୍ତ୍‌ ଆଏତାର୍‍ ? ଆରିଙ୍ଗ୍‌ ମାରି ଲୋକୁ ଏମେ ? 18 ଗୌରବ୍‍ ମାପୁରୁଦି ଦନ୍ୟବାଦ୍‌ ସିଦେଙ୍ଗ୍‍ ଇଜି ଇୟା ଆଇଜାତିଦି ଲୋକ୍‌ତିଙ୍ଗ୍‌ ଡ଼ିସ୍‌ତିଙ୍ଗ୍‌ ଇନିକା ମାରି ଏର୍‍ବା ଡ଼େସି ରେଏର୍‍ ?" 19 ମାରି, ଜିସୁ ୱାନିଙ୍ଗ୍‌ ଇର୍‌ଆନ୍‌, "ନିଙ୍ଗିଁଜ ସାଙ୍ଗ୍‍ଆ, ନି ବିସ୍‌ବାସ୍‌ ନିଙ୍ଗିଁ ନେଗେନ୍‍ କିତାମାନାତ୍‌ ।"