ସିମିୟୋନ୍ ମାରି ହାନା ଜିସୁଙ୍ଗୁଁ ସୁଡ଼ୁତାର୍
25 ମାରି ସୁଡ଼ୁଦୁ, ଜିରୁସାଲମତୁ ସିମିୟୋନ ଦର୍ତି ଅରେନ୍ ଦାର୍ମୁ ମାରି ସାଦୁ ଲୋକୁ ମାର୍ଆନ୍; ୱାନ୍ ଇସ୍ରାଏଲ୍ତି ରକିୟାକିନିୱାନିଙ୍ଗ୍ ସୁଡ଼୍ଦେଙ୍ଗ୍ କାପ୍କିଜି ମାର୍ଆନ୍, ମାରି ପବିତ୍ର ଆତ୍ମା ୱାନିୱାଲେ ମାର୍ହାତ୍ । 26 ପ୍ରବୁ କ୍ରିସ୍ତଙ୍ଗ୍ ସୁଡ଼ିଇତିଙ୍ଗ୍ ୱାନ୍ ଜେ ସାଏନ୍, ପବିତ୍ର ଆତ୍ମା ୱାନିଙ୍ଗ୍ ଇୟା ମାଟା ୱେର୍ତା ମାର୍ହାତ୍ । 27 ୱାନ୍ ପବିତ୍ର ଆତ୍ମା ୱେର୍ତି ଇସାବ୍ତାନ୍ ମନ୍ଦିରତୁ ୱାତାନ୍, ମାରି କଡ଼ ଜିସୁଦି ବୁବାୟାୟା ଏସ୍ତିୱାଲେ ୱାନି ବିସୟ୍ତାନ୍ ଜିହୁଦିରି ନିୟମ୍ ଇସାବ୍ତାନ୍ ପାଣି କିନି ଉଣ୍ତିଙ୍ଗ୍ ୱାନିଙ୍ଗ୍ ମନ୍ଦିର୍ ଲୋଇ ତାତାର୍, 28 ନାସ୍ତିୱାଲେ ସିମିୟୋନ କଡ଼ଦିଙ୍ଗ୍ ଗାତୁ ଆସ୍ସି ମାପୁରୁଦିଙ୍ଗ୍ ଦନ୍ୟବାଦ୍ କିଜି ଇର୍ହାନ୍,
29 "ଏ ପ୍ରବୁ, ଇଲେଇ ନିନୁ ନିଜେଦି ବାକ୍ୟଦାନ୍
ନିଜେଦି ଗତିମୁରୁଲିଙ୍ଗ୍ ସାନ୍ତିଦାନ୍ ସଣ୍ଡ୍ରେଙ୍ଗ୍ ସିଜିନି;
30 ଇରିଙ୍ଗ୍ ନା କାଣୁକୁ ନି ରକିୟା ସୁଡ଼ୁତା ମାନାତ୍,
31 ଆମାକା ନିନୁ ୱିଜେରି ଲୋକା ଆଗ୍ଡ଼ି ତିଆର୍ କିତିମାନି ।
32 ମାରି ଅଣଜିହୁଦି ଲୋକା ଉଣ୍ତିଙ୍ଗ୍ ସତ୍ ସାରି ତର୍ନି ଜାୟ୍ ଆନାନ୍,
ମାରି ମି ଲୋକା ଇସ୍ରାଏଲ୍ତି ଗୌରବ୍ ୱାଜା କିତିମାନି ।"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)