ଜିସୁ ପାସ୍ ହାଜାର୍ ଲୋକାଙ୍ଗ୍ ଉଠ୍ପିସ୍ କିତାନ୍
30 ୱେନ୍କା ସିସୁର୍ ଜିସୁ ଲାକ୍ତୁ ଉଣ୍ତାତାର୍, ୱାରୁ ଏମେ ଏମେକା କିତାମାର୍ଆର୍ ମାରି ଏମେ ଏମେକା ଶିକ୍ଷା ସିତାମାର୍ଆର୍, ଆୟାୱିଜୁ ୱାନିଙ୍ଗ୍ ୱେର୍ତାର୍ । 31 ଆବେଟ୍ ୱାନ୍ ୱାନି ସିସୁରିଙ୍ଗ୍ ଇର୍ଆନ୍, "ସାଦୁ ମାଡୁ ଏର୍ନାଡ ଉଣ୍ତ୍ରି ସିମ୍ରା ବାଡିଦୁ ସନାଟ୍ । ଆବେ ଏସୋ ସମୟ ରୋମ୍ନାଟ୍ ।" ଇରିଙ୍ଗ୍ ନାଣ୍ତ ଲୋକୁ ୱିଜେରେ ସନିକା ୱାନିକା ଆଜିମାର୍ହାର୍ ଆକା ୱାରିଙ୍ଗ୍ ଉଣ୍ତେଙ୍ଗ୍ ବା ସମୟ ସିଲେତାତ୍ । 32 ଆୟାୱେନ୍କା ଜିସୁ ମାରି ୱାନି ଶିଶୁର୍ ଡଙ୍ଗାଁଦୁ ଏକ୍ତାର୍ନୋ ଉଣ୍ତ୍ରି ସିମ୍ରା ବାଡିଦୁ ସନ୍ଡ଼୍ରେଙ୍ଗ୍ ସତାର୍ ।
33 ମାତର୍ ୱାର୍ ସନିୱାଲେ ଏସୋ ଲୋକୁ ୱାରିଙ୍ଗ୍ ସୁଡ଼୍ଜି ମାରି ସିନିସ୍ କିତାର୍, ମାରି ଲୋକୁ ୱିଜେରେ ୱିଜୁ ଗାଡ୍କାଣାକୁ ପାଦାମ୍କାଣ୍କୁ ଆବେ ଅର୍ସେ ଉରୁକ୍ସି ସରଆର୍ ରୋ ୱାରି ଆଗିଡ଼ି ଇଗା ସରଆର୍ । 34 ୬:୩୪ ମାତିଉ ୯:୩୬.ଜିସୁ ଡଙ୍ଗାଁଦାନ୍ ସତାନ୍ନୋ ନାଣ୍ତ ଲୋକାଙ୍ଗ୍ ସୁଡ଼୍ଜି ୱାରି ଉଣ୍ତିଙ୍ଗ୍ ଦୁଃକ୍ କିତାନ୍, ଇରିଙ୍ଗ୍ ୱାର୍ ଗାଉଡ଼ୁ ସିଲି ମେଣ୍ତେଙ୍ଗାଁ ମାନ୍ଦା ୱାଜା ୱାର୍ ସାକାସିଲିକା ନି ସିନ୍ତା ଆଜିମାର୍ହାର୍; ମାରି, ୱାଣ୍ତ୍ରୁ ୱାରିଙ୍ଗ୍ ନାଣ୍ତ ସିକିୟା ସିଦେଙ୍ଗ୍ ଆସ୍ତାନ୍ । 35 ନାଣ୍ତ ୱେଡ଼ା ଆତାତ୍ଆକା ୱାନି ସିସୁର୍ ୱାନି ଲାକ୍ତୁ ୱାତା ଇର୍ହାର୍, "ଇୟାବାଡିତୋ ସିମ୍ରା, ମାରି ନାଣ୍ତ ୱେଡ଼ା ଆତାତ୍ନି; 36 ଲୋକୁ ଏଣ୍ତେସ୍କି ସାରିବେଡ଼୍ତି ନାର୍କାଙ୍ଗ୍ଁ ସନାର୍ ନିଜେ ନିଜେଦି ଉଣ୍ତିଙ୍ଗ୍ ଏସୋ ଉଣି ଖାଦି କଣାର୍, ଆୟାଉଣ୍ତିଙ୍ଗ୍ ୱାରିଙ୍ଗ୍ ପୋକ୍ଆ ।"
37 ମାତର୍ ଜିସୁ ୱାରିଙ୍ଗ୍ ଇର୍ହାନ୍, "ମିର୍ ୱାରିଙ୍ଗ୍ ଉଣ୍ତେଙ୍ଗ୍ ସିଦୁ," ସିସୁର୍ ୱାନିଙ୍ଗ୍ ଇର୍ହାର୍, "ମାପ୍ ଇନିକା ଆଟ୍ଗୋଟା ଲେଜ୍ତି କୁଲି ଡାବୁଦାନ୍ ରୁଟି କଣାପ୍ ୱେରିଙ୍ଗ୍ ସିନାପ୍ ?"
38 ଜିସୁ ୱାରିଙ୍ଗ୍ ଇର୍ଆନ୍, "ମି ଲାକ୍ତୁ ଏସୋ ଗୋଟା ରୁଟିଙ୍ଗ୍ ମାନେ ? ସଲ୍ସ ସୁଡ଼୍ଦୁ ।" ସିସୁର୍ ସର୍ଆ ୱେର୍ଆ ୱାତା ରୋ ୱାନିଙ୍ଗ୍ ଇର୍ହାର୍, "ପାସ୍ଗୋଟା ରୁଟିଙ୍ଗ୍ ମାରି ରୁଣ୍ତି ମିନ୍କୁ ମାନେ ।"
39 ୱିଜେରେ ଏଣ୍ତେସ୍କି ଧାଡ଼ି ଧାଡ଼ି ଆଜି କଡ଼୍କି ଲାଟା ମାନି ବାଡିଦୁ ବାସ୍ନାର୍, ଆୟା ଉଣ୍ତିଙ୍ଗ୍ ଜିସୁ ବାସିସ୍ କିଦେଙ୍ଗ୍ ୱାରିଙ୍ଗ୍ ଆଦେସ୍ ସିତାନ୍ । 40 ଆବେଟ୍ ୱିଜେରେ ଶହେ ଶହେ ଲୋକୁ ମାରି ପଚାସ୍ ପଚାସ୍ ଲୋକୁ ଧାଡ଼ି ଆଜି ବାସ୍ତାର୍ । 41 ଆୟାୱେନ୍କା ଜିସୁ ଆୟା ପାସ୍ଗୋଟା ରୁଟିଙ୍ଗ୍ ମାରି ରୁଣ୍ତି ମିନ୍କୁ ଅସି ସ୍ୱର୍ଗ ମୁସ୍କୁ ସୁଡ଼୍ଜି ମାପୁରୁଦିଙ୍ଗ୍ ଦନ୍ୟବାଦ୍ ସିତାନ୍ ମାରି ରୁଟିଙ୍ଗ୍ ରୁକ୍ସି ଲୋକାଙ୍ଗ୍ ବାଟାକିଜି ସିଦେଙ୍ଗ୍ ସିସୁରିଙ୍ଗ୍ ସିତାନ୍ । ଆୟା ରୁଣ୍ତି ମିନ୍କାଙ୍ଗ୍ ବା ବାଟାକିଜି ସିଦେଙ୍ଗ୍ ସିତାନ୍ । 42 ୱିଜୁ ଲୋକୁ ୱିଜେରେ ତିର୍ଆରୋ ପଟାପାଜିତାର୍ । 43 ଇୟା ୱେନ୍କା ସିସୁର୍ ଏଜିତି ରୁଟିଙ୍ଗ୍ ମାରି ମିନ୍କୁ ମୋକେଙ୍ଗ୍ ପେର୍ଜି ବାରଗୋଟା ଡାଡ଼ିଦୁ ବର୍ତି କିତାର୍ । 44 ଏମେ ଲୋକ୍ଡର୍ ଇୟା ରୁଟିଙ୍ଗ୍ ତିର୍ହା ମାର୍ଆର୍, ୱାରି ଲୋଇ ଆବ୍କା ମେମାର୍ଙ୍ଗୁଁ ଲୋକୁନେ ��,������ ହାଜାର୍ ମାର୍ଆର୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)