11 ମାତର୍ ମି ଇନ୍ଡ୍ର, ଜଦି ଅରେନ୍ ଲୋକ୍ତିମାନୁ ୱାନି ବୁବା ୟାୟାଏଙ୍ଗ୍ ସାହାଜ୍ୟ କିଦେଙ୍ଗ୍ ମାନାତ୍, ମାତର୍ ଆୟା ଲୋକୁ ଇଜିନାନ୍, କାର୍ବାନ୍ ମାପୁରୁତିଙ୍ଗ୍ ପୁଜା ସିତାମାନା । 12 ଆଦେଙ୍ଗ୍ ମିର୍ ୱାନିଙ୍ଗ୍ ୱାନି ବୁବା ୟାୟାଦିଙ୍ଗ୍ ସାହାଜ୍ୟ କିନି ଉଣ୍ତିଙ୍ଗ୍ ସିଇଦେର୍ । 13 ଇୟାୱାଜା ମିର୍ ପୁର୍ବେଦି ଲୋକ୍ତି ରୀତିନୀତି ଉଣ୍ତିଙ୍ଗ୍ ମାପୁରୁଦି ବାକ୍ୟଦିଙ୍ଗ୍ ଲାତ୍ ଡାକ୍ସିନିଦେର୍ ମାରି ଆୟାୱାଜା ନାଣ୍ତ ସେଇ ପାଣିବା କିଜିିନିଦେର୍ ।
ଲୋକ୍ତିଙ୍ଗ୍ ଇନିକା ତାଗ୍ଇକା କିନାତ୍
14 ଅର୍ଲେନ୍ ଜିସୁ ଲୋକାଙ୍ଗ୍ ଲାକ୍ତୁ କୁକ୍ସି ୱାରିଙ୍ଗ୍ ଇର୍ହାନ୍, "ମିର୍ ୱିଜେରେ ନା ମାଟା ୱେନ୍ଡ୍ରୁ ମାରି ବୁଝାଦୁ ।" 15 ଲୋକ୍ତି ମେନ୍ଧଲ୍ ଆତ୍ରେ ଇୟାୱାଜା ଇନି ବିସୟ୍ ସିଲେତ୍, ଆମାକା କି ୱାନି ଲୋଇ ଡ଼ୁଗୁଜି ୱାନିଙ୍ଗ୍ ଅପବିତ୍ର କିନାତ୍, ମାତର୍ ଏମେ ଏମେକା ଲୋକ୍ତି ଲୋଇରାନ୍ ସନାତ୍, ଆୟାୱିଜୁ ୱାନିଙ୍ଗ୍ ଅପବିତ୍ର କିନାତ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)