11 ଜଦି ଜିସୁଙ୍ଗୁଁ ସାତି ମାଣାନ୍ ନିକ୍ତିମାନି ମାପୁରୁଦି ଆତ୍ମା ମିବାନୁ ମାନାତ୍, ଆର୍ତିଙ୍ଗ୍ଁ ଆୟା ଆତ୍ମାଦି ସାକାଦାନ୍ ମାପୁରୁ ମି ସାନି ମେନ୍ଦଲ୍ତିଙ୍ଗ୍ଁ ବା ଜିବନ୍ କିନାନ୍ ।
12 ଆର୍ତିଙ୍ଗ୍ ଏ ତଡ଼ାନ୍କୁ ନି ତାଙ୍ଗିଁକି, ମା ପାଣି ଆଜିନାତ୍, ନର୍ ଗୁଣ୍ତି ଇସାବ୍ତାନ୍ ଜିଦେଙ୍ଗ୍ କେଏଟ୍, ଇରିଙ୍ଗ୍ଁ ଆକା କିତିଙ୍ଗ୍ଁ ମିର୍ ସାନିଦେର୍; 13 ମାତର୍ ଜଦି ଆତ୍ମାଦି ସାକାଦାନ୍ ନିଜେଦି ମେନ୍ଧଲ୍ତି ପାପ୍ ପାଣିଦିଙ୍ଗ୍ଁ ନାସ୍ଟୁ କିଜି ମାରି ପାପ୍ ପାଣି କିମାଟ୍, ଆତିଙ୍ଗ୍ଁ ମିର୍ ଜିନିଦେର୍ । 14 ଏମେକାର୍ ମାପୁରୁଦି ଆତ୍ମାଦାନ୍ ସାଲାଜିନାର୍, ୱାର୍ ମାପୁରୁଦି କଡ଼ର୍ । 15 ୮:୧୫ ଗାଲାତିୟ ୪:୫-୭.୮:୧୫ ମାର୍କ ୧୪:୩୬; ଗାଲାତିୟ ୪:୬.ଇରିଙ୍ଗ୍ ମାପୁରୁ ସିତି ଆୟା ଆତ୍ମା ମିଙ୍ଗିଁ ଦାସ୍ତିମାଣାନ୍ ମୁକ୍ଡ଼ା କିତାମାନାନ୍, ମିର୍ ମାରି ତିଲାନିକା ଇନିକା ସିଲେତ୍ । ମାତର୍ ଆତ୍ମା ମିଙ୍ଗିଁ ମାପୁରୁଦି କଡ଼ର୍ ଆନି ସାରି ସିତାମାନାତ୍ । ୱାନି ସାକ୍ତି ନେସ୍ସି ମାଡ୍ ଇଲେଇ ମାପୁରୁଙ୍ଗ୍ଁ "ବୁବା" ଇଜି କୁକ୍ସିନିକା । 16 ମାପୁରୁଦି ଆତ୍ମା ମା ଲୋଇରି ଆତ୍ମାଦି ୱାଲେ ବଲୁ ମିସାକିଜି ମାଙ୍ଗିଁ ମାପୁରୁଦି କଡ଼ର୍ ଇଜି ୱେକ୍ସିନାତ୍ । 17 ଏନ୍ଦାଇରିଙ୍ଗ୍ଁ ମାଡ୍ ମାପୁରୁଦି କଡ଼ର୍, ୱାନି ଲୋକା ଉଣ୍ତିଙ୍ଗ୍ଁ ଟିକ୍ ଆର୍ସିବାଦ୍ତୁ ମାଡ୍ ମିସାନିକା । ମାରି କ୍ରିସ୍ତଦି ଉଣ୍ତିଙ୍ଗ୍ଁ ମାପୁରୁ ଆମାକା ଉଣ୍ତା କିଜି ଇଟ୍ତାମାନାନ୍, ଆବେନ୍ ବା ମା ବାଗ୍ ମାନାତ୍ । ଜଦି ମାଡ୍ ଜିସୁଦି ଦୁକ୍ବଗ୍ତି ବାଗ୍ ଆତିମାନିକା, ଆର୍ତିଙ୍ଗ୍ଁ ୱାନି ଗୌରବ୍ଦୁ ବା ମିସାନିକା ।