ମାପୁରୁଦି ଜିବନ୍ନୋନିକା
31 ଇୟାୱିଜୁ ମାଣ୍କୁ ମାରି ଇନିକା ୱେର୍ନିକା ? ମାପୁରୁ ଜଦି ମା ତରିନ୍, ଏନ୍ ମା ବିରୁଦ୍ ଆଦେଙ୍ଗ୍ଁ ଆଟ୍ନାନ୍ ? 32 ମାପୁରୁ ଏସାଙ୍ଗ୍ଁବା ମା ବିରୁଦ୍ ସିଲେ, ଇରିଙ୍ଗ୍ଁ ୱାନ୍ ନିଜେଦି ମାରିସିଙ୍ଗ୍ଁ ବା ରକିୟା କିଏନ୍ଣ୍ତା ମା ଉଣ୍ତିଙ୍ଗ୍ଁ ଦାନ୍ କିତାମାନାନ୍ । ଆର୍ତିଙ୍ଗ୍ଁ, ୱାନ୍ ଇନିକା ମାଙ୍ଗିଁ ୱିଜୁ ବିସୟ୍ଦାନ୍ କିଏନ୍ ନୋ ? 33 ମାପୁରୁଦି ବାସେ ଆତି ଲୋକା ବିରୁଦ୍ତାନ୍ ଏନ୍ ଦସ୍ ସିଦେଙ୍ଗ୍ ଆଟ୍ନାନ୍ ? ୱାରିଙ୍ଗ୍ଁ ଦସ୍ସିଲିକାର୍ ଇଜି ନିଜେ ମାପୁରୁ ୱେର୍ତାମାନାନ୍ । 34 ଆର୍ତିଙ୍ଗ୍ଁ ଏନ୍ ୱାରିଙ୍ଗ୍ଁ ମାରି ଦସି କିଦେଙ୍ଗ୍ ଆଟ୍ନାନ୍ ? କ୍ରିସ୍ତ ଜିସୁ ଆକା ଏସାଙ୍ଗ୍ କିଏନ୍, ଇରିଙ୍ଗ୍ଁ ୱାନ୍ ସାତି ମାଣାନ୍ ନିଙ୍ଗିଁଜି ମାପୁରୁଦି ଉଣେରି ତରିନ୍ ବାସ୍ତାମାନାନ୍ ୱାନ୍ ମା ଉଣ୍ତିଙ୍ଗ୍ ପ୍ରାର୍ଥନା କିଜିନାନ୍ ।