4 ଏ ବିସ୍ବାସ୍ତୁ ବିସ୍ ସିନି ଲୋକୁ ! ମିର୍ ଇନିକା ନେସ୍ଇଦେର୍, ଦୁନିଆ ମାପୁରୁଦି ଉଣ୍ତିଙ୍ଗ୍ ସାତ୍ରୁଆନାତ୍ ? ଏନ୍ ଇୟା ଦୁନିଆଦି ୱାଲେ ସଙ୍ଗ୍ ଆଦେଙ୍ଗ୍ ବଦା କିନାନ୍; ୱାନ୍ ମାପୁରୁଦି ସାତ୍ରୁ । 6 ମାତର୍ ମାପୁରୁ ଆମା ଦୟା ସିନାନ୍, ଆକା ନାଣ୍ତ୍ ସାକ୍ତି । ସାସ୍ତ୍ରଦୁ ରାସ୍ତାମାନାତ୍, "ମାପୁରୁ ଆକାର୍ଆନିଲୋକାଙ୍ଗ୍ ବିରୁଦ୍ କିନାନ୍, ମାତର୍ ସାନ୍ତି ଲୋକାଙ୍ଗ୍ ଦୟା ସିନାନ୍ ।"
7 ମାରି, ମାପୁରୁଦି ଲାକ୍ତୁ ନିଜେଦିଙ୍ଗ୍ ସର୍ପେ ଆଦୁ । ସୟତାନ୍ତିଙ୍ଗ୍ ଜୁଦ୍ କିଦୁ । ଆର୍ତିଙ୍ଗ୍, ୱାଦ୍ ମି ଲାକ୍ତୁରାନ୍ ଉରୁକ୍ନାତ୍ । 8 ମାପୁରୁଦି ଲାକ୍ତୁ ରାଦୁ, ମାରି ୱାନ୍ ମି ଲାକ୍ତୁ ୱାନାନ୍ । ଏ ପାପି ଲୋକୁ, ମି କିକୁ ନର୍ଦୁ, ଏ ରିୟାଙ୍ଗାଁଆନି ଲୋକୁ, ମି ଜିବନ୍ ନେଗେନ୍ କିଦୁ,