Kas In Sensenkakin Mwet Liki Ma Sruloala
1 Mwet lili luk, nga kena kowos in esam ma sikyak nu sin mwet matu lasr su welul Moses meet ah. Elos nukewa muta ye karinginyuk lun sru in pukunyeng sac, ac elos nukewa fahsr sasla Meoa Srusra ke wo ouiya.10:1 Exo 13:21–22; 14:22–29 2 In pukunyeng uh ac in meoa uh elos nukewa baptaisla oana mwet fahsr tokol Moses. 3 Elos nukewa kang mwe mongo lun ngun se na,10:3 Exo 16:35 4 ac nim mwe nim lun ngun se na. Elos nim ke eot ngun se na ma welulos fahsr; ac eot sac pa Christ sifacna.10:4 Exo 17:6; Oek 20:11 5 Tusruk ne ouinge, pus selos God El tia insewowo se, pwanang mano misa lalos oalik in acn mwesis.10:5 Oek 14:29–30
6 Ma inge nukewa mwe srikasrak nu sesr, in sensenkakin kut tuh kut in tia kena nu ke ma koluk, oana elos;10:6 Oek 11:4 7 in tia pac alu nu ke ma sruloala, oana kutu selos tuh oru. Oana Ma imusla uh fahk, "Mwet uh pituki in mongo ac nimnim, na elos tuyak ac onsrosro."10:7 Exo 32:6 8 Kut in tia moulkin inkanek in kosro, oana kutu selos — ac in len sefanna, tausin longoul tolu selos misa.10:8 Oek 25:1–18 9 Kut in tia srike Leum, oana kutu selos oru — ac anwuki elos ke serpent.10:9 Oek 21:5–6 10 Kut in tia torkaskas, oana kutu selos tuh oru — ac elos kunausyukla sin Lipufan lun Misa.10:10 Oek 16:41–49
11 Ma inge nukewa sikyak nu selos tuh in mwe srikasrak nu sin mwet saya, ac simla tuh in mwe sensenkakin kut. Mweyen we se kut moul kac inge apkuran nu ke pacl safla.
12 Kutena mwet su nunku mu el tu na ku, wo elan liyaung tuh elan tia putatyang nu in mwe sruhf.
Domínio Público. Esta tradução bíblica de domínio público é trazida a você por cortesia de eBible.org.