Pang Se Nu Sel Elisha
19 Elijah el som tuh konalak Elisha ke el kihling ima lal ke plau. Oasr u in ox singoul sie fahsr meet lukel, kais lukwa ox ke u se, ac Elisha el orekmakin u se ma fahsr oetok. Elijah el eisla nuknuk se afinyal ac filiya facl Elisha. 20 Elisha el filiya ox natul, ac kasrusr tokol Elijah ac fahk, "Kom ku in soaneyu ngan som wilkas nu sel papa ac nina, na nga fah tuku wi kom."
Ac Elijah el fahk, "Wona. Folokot, nga tia ikol kom!"
21 Na Elisha el som nu ke ox lukwa natul ac uniya, ac etongkin mwe palpal kac in sang akmoulyela ikwa uh, na el sang kiteya mwet uh. Toko el som welul Elijah in mwet kasru lal.
Domínio Público. Esta tradução bíblica de domínio público é trazida a você por cortesia de eBible.org.