4 ac el fahsr ke len fon se uten acn uh. El muta mongla ye lulin sak soko ac kena elan misa. El pre ac fahk, "LEUM GOD, arulana upala! Eisla moul luk! Fal na ngan misa!"19:4 Jna 4:3
5 El ona ye sak soko ac motulla. In kitin pacl ah na sie lipufan lun LEUM GOD kahlilya ac fahk, "Tukakek mongo." 6 El ngutalik, ngetot ngetma nwe liyauk srukwal in flao se manman fin eot fol, ac sufa in kof soko oan apkuran nu ke sifal. El mongoi ac nimkofi ac sifilpa ona. 7 Lipufan sac el sifil foloko, ac oaksalak pacl se akluo ac fahk, "Tukakek mongoi, mweyen kom fin tia, ac arulana upa nu sum in fahsr." 8 Elijah el tukakek ac mongoi ac nimkofi, na mongoi lal ah sang ku lal in fahsr len angngaul nu fineol mutal Sinai. 9 Ke el sun acn we, el utyak nu in sie luf in motulla we ke fong se.
In pacl sac na, LEUM GOD El kaskas nu sel ac fahk, "Elijah, mea kom oru inge uh?"
Domínio Público. Esta tradução bíblica de domínio público é trazida a você por cortesia de eBible.org.