Nununku Lalmwetmet Lal Solomon
16 Sie len ah, mutan kosro luo3:16 mutan kosro luo: mutan ma eis molin kosro laltal. tuku ac utyak nu ye mutal Tokosra Solomon. 17 Sie seltal fahk, "Leum fulat, nga ac mutan se inge muta in lohm sefanna, ac nga oswela tulik mukul se ke mutan se inge el muta yuruk. 18 Len luo tukun nga oswela wen se nutik ah, el oswela pac tulik mukul se. Kut mwet luo na pa muta in lohm sac, ac wangin mwet saya. 19 Na sie fong ah el motul folosuwosla toanya tulik natul ah, na tulik sac misa. 20 El tukakek ke infulwen fong, ac use tulik misa natul ah nu yuruk, ac el usla tulik nutik ah nu yorol ke nga srakna motul. 21 In lotu tok ah nga ngutalik ac oru ngan katiti tulik se nutik ah, tuh na el misa. Ac ke nga lohang nu kacl, nga akilen tuh na tia ma nutik."
22 A mutan se ngia fahk, "Mo! Tulik se ma moul uh ma nutik, ac ma se ma misa ah ma nutum!"
Mutan se meet ah topuk, "Mo! Tulik se ma misa ah ma nutum, ac ma se ma moul uh ma nutik!"
Ouinge eltal akukuinla ye mutal tokosra.
23 Na Tokosra Solomon el fahk, "Komtal kewa fahk mu ma natul pa tulik se ma moul uh, ac ma se ma misa ah ma nutin mutan se ngia." 24 Tokosra el sap in utuku sie cutlass, na ke utuku 25 el fahk, "Fulungya tulik se ma moul an in ip luo, ac sang la nu sin sie, ac la nu sin sie."
26 Mutan se ma natu tulik se ma moul ah, ke yohk pakomuta ac lungse lal nu sin tulik sac, el fahk nu sin tokosra, "Leum fulat, nunak munas nimet unilya! Eisalang nu sel!"
A mutan se ngia fahk, "Nimet eisalu nu sesr kewa. Fulungilya in ip luo."
27 Na Solomon el fahk, "Nimet uniya tulik sacn! Sang nu sin mutan se meet an. El pa nina na pwaye kial an."
28 Ke pacl se mwet Israel lohng ke nununku se lal Solomon inge, elos nukewa arulana akfulatyal, mweyen elos etu lah LEUM GOD El sang lalmwetmet nu sel elan oru nununku fal ac suwohs.
Domínio Público. Esta tradução bíblica de domínio público é trazida a você por cortesia de eBible.org.