Akmusraiyukla David Elan Tokosra
1 LEUM GOD El fahk nu sel Samuel, "Kom ac asor kacl Saul nwe ngac? Nga eisalla tari liki wal lun tokosra lun Israel. Inge eis kutu oil in olive ac som nu Bethlehem nu yurin mwet se pangpang Jesse, mweyen nga sulela sie sin wen natul tuh elan tokosra."
6 Ke elos sun acn sac, Samuel el ngetang liyal Eliab, sie sin wen natul Jesse, ac el sifacna nunku insial, "Pwaye lah mwet se inge su tu ye mutun LEUM GOD, pa mwet se God El sulela."
10 In lumah se na inge, Jesse el use wen itkosr natul nu yorol Samuel. Ac Samuel el fahk nu sel, "Mo, LEUM GOD El tiana sulela sie selos." 11 Na Samuel el siyuk sel Jesse, "Oasr pac wen lula nutum?"
Jesse el topuk, "Wen se ma fusr emeet pa lula, tuh el muta liyaung sheep uh inimae."
Ac Samuel el fahk, "Solalma elan tuku. Kut ac fah tia oru kisa nwe ke na el tuku." 12 Na Jesse el sapla solalma David. El sie mwet fusr fokoko ac oasku, ac atronmutal saromrom. LEUM GOD El fahk nu sel Samuel, "Pa inge mwet sac. Tuyak ac mosrwella!" 13 Samuel el eis oil in olive ac mosrwella David ye mutun tamulel lal. In kitin pacl ah na ngun lun LEUM GOD tuku ke ku nu facl David, ac welul in len sac fahla. Na Samuel el folokla nu Ramah.
Domínio Público. Esta tradução bíblica de domínio público é trazida a você por cortesia de eBible.org.