15 Toang na ke lotu se tok ah, mwet kulansap se lal Elisha illa liki lohm ah, ac liye lah un mwet mweun lun Syria wi horse ac chariot natulos raunela siti uh. El folokla ac fahk nu sel Elisha, "Pakomuta, kut ac lalna! Mea kut ac oru?"

16 Elisha el topuk, "Nimet sangeng. Pus mwet wi kut lukelos." 17 Na el pre, "O LEUM GOD, ikasla mutal elan ku in liye!" LEUM GOD El topuk pre lal, ac mwet kulansap lal Elisha el ngetak ac liye lah pe eol uh sessesla ke horse ac chariot e, raunella Elisha.