2 Sie len ah ke tafun len tok, David el tukakek liki pacl in mongla lal, ac som nu ke sawalsrisr se lucng ke lohm sin tokosra. Ke el forfor we, el liye sie mutan yihyih in lohm sel, ac mutan sac arulana kato. 3 David el supwala mwet se in siyuk lah su mutan sac, na fwackyang nu sel, "El pa Bathsheba, acn natul Eliam ac mutan kial Uriah mwet Hit." 4 Na David el supwala kutu mwet in usalu. Elos usalu nu yorol, na David el ona yorol. (Mutan sac tufahna aksafyela aknasnas lal ke malem.) Na el folokla nu lohm sel. 5 Tok kutu el konauk lac el pitutu, ac sapla fahk nu sel David.
14 Lotutang in len tok ah, David el simusla leta se nu sel Joab, ac sang Uriah el us. 15 El sim ouinge: "Likilya Uriah ke tak soko emeet an, yen ma upa mweun we ah, na foloki lukel in mau anwuki el." 17 Un mwet mweun uh illa liki siti uh ac mweuni mwet lal Joab. Kutu sin mwet mweun fulat lal David ah anwuki, ac Uriah pa sie.
27 Ke safla pacl in asor lal ah, David el sap in utuku Bathsheba nu in lohm sin tokosra. El payukyak sel, ac Bathsheba el oswela wen se nu sel. Tusruktu, LEUM GOD El tia insewowo ke ma David el oru inge.
Domínio Público. Esta tradução bíblica de domínio público é trazida a você por cortesia de eBible.org.