Sie Mwet Mweun oaru Lun Christ Jesus
1 Ke ma inge, wen nutik, kom in akkeye kom ke lungkulang su ma lasr ke kut kupasryang nu sin Christ Jesus. 2 Eis mwe luti su kom lohng sik ke nga fahkak ye mutun mwet puspis, ac sang ma inge nu sin mwet kom lulalfongi, su fah ku in luti pac nu sin mwet ngia.
3 Kom in wi pac keok, oana sie mwet mweun oaru lun Christ Jesus. 4 Sie mwet mweun su oru ma kuna el lungse akinsewowoye mwet kol lal, pwanang el tia akfohsyal sifacna ke orekma lun mwet ma tia mwet mweun. 5 Sie mwet srital su kasrusr in akutun el tia ku in eis molin kutangla el fin seakos ma sap uh. 6 Sie mwet ima su orekma upa, fal elan eis ip lal meet ke pacl in kosrani.
11 Kas pwaye se pa inge:
"Fin pwaye kut tuh welul misa,
Kut fah oayapa welul moul.
12 Kut fin kwafeang in muteng,
Kut fah oayapa welul leumi.
Kut fin lafwekunul,
El ac fah oayapa lafwekin kut.2:12 Mt 10:33; Lk 12:9
13 Kut fin soaru nu sel,
El ac nuna oaru na nu sesr,
Mweyen el tia ku in sifacna aksufalyal."
Domínio Público. Esta tradução bíblica de domínio público é trazida a você por cortesia de eBible.org.