9 In len tok ah ke elos som ac apkuran nu Joppa, Peter el fanyak nu ke mangon lohm sac ke akuran infulwen len elan tuh pre. 10 El masrinsralla ac ke nal kutu mongo. Ke srakna akoeyuk mongo uh, el liye sie aruruma. 11 El liye kusrao ikakla, ac ma se koeyukla lucng me oana luman sie kaot na lulap, kukla ke sruwasrik akosr kac ah nu faclu. 12 Ma oan loac uh pa kain in kosro ac ma orakrak nukewa, oayapa won lemnak. 13 Pusra se fahk nu sel, "Peter, tuyak! Uni ma inge ac kang."
14 Ac Peter el fahk, "Leum, nga tia ku! Nga soenna kang kutena ma su tia nasnas ku oal nu sik uh."
15 Na pusra sac sifilpa fahk nu sel, "Nimet kom nunku mu kutena ma ac sufal in mongo, God El fin fahk mu ku in mongo." 16 Ouiya se inge sikyak pacl tolu, na kaot sac folokyak nu inkusrao.
Domínio Público. Esta tradução bíblica de domínio público é trazida a você por cortesia de eBible.org.