Kof Uh Sororma Liki Eot Uh
1 Sruf nukewa lun mwet Israel som liki yen mwesis Sin, ac mukuiyak liki sie acn nu ke sie pac acn oana LEUM GOD El sapkin nu selos. Elos tulokunak lohm nuknuk selos Rephidim, tusruk wangin kof in nimnim we.17:1 17:1–7; Oek 20:2–13 2 Elos torkaskas nu sel Moses ac fahk, "Se kof nimasr."
Moses el topuk, "Efu kowos ku torkaskas nu sik? Efu kowos ku srike LEUM GOD?"
3 A mwet uh arulana malu ac sikalani na in torkaskas nu sel Moses. Elos fahk, "Mea, kom uskutme liki acn Egypt in tuh unikuti, ac tulik natusr ac kosro natusr, ke malu?"
4 Moses el kwafeang in pre nu sin LEUM GOD ac fahk, "Mea nga ac ku in oru nu sin mwet inge? Elos akola in tungalyu pa inge."
5 LEUM GOD El fahk nu sel Moses, "Eis kutu sin mwet kol lun Israel wi kom, ac fahla meet liki mwet uh. Us sikal soko ma kom tuh sang sringilya Infacl Nile ah. 6 Ke kom fah sun sie eot pe eol Sinai, nga fah tu fac ye motom. Puokya eot sac, ac kof uh ac sororma liki, tuh mwet uh in nim kac." Moses el oru ouinge ye mutun mwet kol lun Israel.
7 Ac Moses el sang inen acn sac Massah, mweyen mwet Israel elos tuh torkaskas. Acn sac pacna el sang ine Meribah,17:7 Massah ... Meribah: kalmen Massah in kas Hebrew pa "torkaskas" ac kalmen Meribah pa "srike". mweyen mwet uh elos tuh srike LEUM GOD ke elos fahk, "Ya LEUM GOD El wi kut, ku tia?"
Domínio Público. Esta tradução bíblica de domínio público é trazida a você por cortesia de eBible.org.