God El Sang Ku Nu Sel Moses In Orek Mwenmen
1 Na Moses el topuk LEUM GOD ac fahk, "Tusruktu fin pa mwet Israel elos tiana lulalfongiyu ac tia porongo ma nga fahk uh, mea nga ac oru elos fin fahk mu kom tiana sikme nu sik?"
2 Ouinge LEUM GOD El siyuk sel, "Mea se inpoum an?"
El topuk, "Sikal soko."
3 LEUM GOD El fahk, "Sisya nu infohk an." Pacl se ke Moses el sisya ah, sikal soko ah ekla nu ke wet soko, ac Moses el kaing liki. 4 Na LEUM GOD El fahk nu sel, "Kui, sruokya pulal ac srukak." Na Moses el asroela paul ac sruokya, na wet soko ah sifilpa ekla sikal soko. 5 LEUM GOD El fahk, "Oru ouinge in akpwayei nu sin mwet Israel lah LEUM GOD lun papa tumalos — God lal Abraham, Isaac, ac Jacob — El sikyak nu sum."
Domínio Público. Esta tradução bíblica de domínio público é trazida a você por cortesia de eBible.org.