20 Isaac el yac angngaul ke el payukyak sel Rebecca, acn natul Bethuel (sie mwet Aram ke acn Mesopotamia), ac el ma lohl Laban. 21 Ke sripen wangin tulik natul Rebecca, Isaac el pre nu sin LEUM GOD kacl. LEUM GOD El topuk pre lal, ac Rebecca el pitutuyak. 22 Fak se pa insial, ac meet liki eltal isusla eltal amei na insien nina kialtal. Rebecca el fahk, "Efu ku sikyak ange nu sik?" Ouinge el som siyuk sin LEUM GOD kac.
23 LEUM GOD El fahk nu sel,
"Mutunfacl luo oasr in kom.
Kom ac oswela mutunfacl akwasui luo.
Sie ac fah ku liki ma se ngia.
El su matu ac fah kulansupu el su fusr."25:23 Rom 9:12
26 Tulik se akluo el isusla tuh na el sruokna kapinnial Esau. Ouinge itukyang inel Jacob.25:26 Jacob: fahkyen ine se inge oana kas Hebrew se "kapinnia". Isaac el yac onngoul ke eltal isusla.
Esau El Kukakunla Wal Lun Wounse Lal
27 Tulik mukul luo ah matula, ac Esau el mwet na etu sruh kosro se, ac el lungsena muta inimae, a Jacob el sukas ac el mutana in lohm uh. 28 Isaac el kuloel Esau, mweyen el lungse kang kosro inima ma Esau el muta sruok uh, a Rebecca el kuloel Jacob.
Domínio Público. Esta tradução bíblica de domínio público é trazida a você por cortesia de eBible.org.