Genesis 41:1-7

Joseph El Fahkak Kalmen Mweme Lal Tokosra

1 Tukun yac luo, tokosra lun Egypt el mweme mu el tu sisken Infacl Nile, 2 ac cow na fact ac wo lumah itkosr utyak liki infacl uh ac mutawauk in mongo mah. 3 Na toko cow itkosr utyak pac, su sripisr ac koluk lumah. Elos tuku ac tu sisken cow ngia pe infacl ah, 4 ac cow sripisr ah kangla cow ma fact ah. Na tokosra el asmakla. 5 El sifilpa motulla ac liye sie pac mweme. Ung in wheat itkosr yohk pisa ac wo lumah, fokla ke sropoh sefanna. 6 Na ung itkosr saya srunak pac, masrinwasr ac mihsasa sroa ke sripen engyen ma tuku yen mwesis me. 7 Ac ung masrinwasr itkosr ah kangla ung ma yohk pisa ac wo lumah ah. Na tokosra el ngutalik ac akilenak lah el mweme.