3 Joseph el fahk nu sin tamulel lal, "Nga pa Joseph. Ku papa el srakna moul?" Ac ke tamulal lal elos lohng, elos arulana sangeng, oru elos kofla topkol. 4 Na Joseph el fahk nu selos, "Nunak munas, kaluku." Elos kalukyang nu yorol ac el fahk, "Nga Joseph, tamulel se lomtal ma komtal kukakunla nu Egypt ah. 5 Nimet komtal oela ku likiya mu oasr koluk lomtal ke sripen komtal tuh kukakinyula nu yenu. God pa supweyume meet liki komtal, ngan tuh molela moul lun mwet uh. 7 God El supweyume meet liki komtal in tuh molikomtalla ke lumah na usrnguk se inge, ac in tuh liye lah komtal, ac fwilin tulik nutumtal, in painmoulla. 8 Ouinge tia komtal pa supweyume nu inge, a God. El oru tuh in nga pa fulat oemeet sin mwet fulat lal tokosra. Nga pa liyaung mutunfacl se lal inge nufon. Nga leumi Egypt nufon.
Domínio Público. Esta tradução bíblica de domínio público é trazida a você por cortesia de eBible.org.