27 Israel, fin ouinge, efu ku kom torkaskas mu
LEUM GOD El tia etu mwe elya lom,
Ac El pilesru keok lom ke sripen nununku sesuwos?
28 Ya kom tia etu? Kom tiana lohng?
LEUM GOD El God ma pahtpat.
El orala faclu nufon.
El tiana totola ku mulalla.
Wangin mwet kalem ke nunak lal.
29 El akkeyalos su munas ac totola.
30 Finne elos su fusr, elos munasla;
Mwet fusr uh ku in totola ac ikori.
31 A elos su filiya lulalfongi lalos in LEUM GOD
Ac fah aksasuyeyuk ku lalos.
Elos fah sohkak ke posohksok oana eagle uh,
Elos fah kasrusr ac tia totola;
Elos fah fahsr ac tia munasla.
Domínio Público. Esta tradução bíblica de domínio público é trazida a você por cortesia de eBible.org.