JOB 38

4 Ku kom tuh muta ke nga orala faclu ah?

Fin arulana yohk etu lom an, kwal srumun ngan lohng.

5 Su tuh wotela mu in pa inge lupan faclu ah?

Su tuh asroelik lain in srikasrak uh nu fac ah?

Ku kom etu nufon top nu ke ma inge?

6 Mea sruokya sru ma loangeak faclu uh?

Su tuh oakiya eot in sruwasrik lun faclu?

7 Ke tafun lotu in len sac, itu uh tuh tukeni on,

Ac lipufan uh sala ke engan.

8 "Su tuh kaliya mutunpot ma sikulya meoa ah

Ke kof uh pisrme liki kapin faclu ah?✝38:8 38:8–11; Jer 5:22

9 Nga pa tuh afinya inkof uh ke pukunyeng

Ac nokomla ke lohsr lulap ah.

10 Nga tuh akilenya masrol se lun inkof uh,

Ac filiya oan tukun mutunpot ma srumasryukla arulana ku.

11 Ac nga fahk nu sin meoa uh, ‘Safla na insacn!

Kuiyen noa lom an ac fah tui na inse.’