John 19:12-16

12 Ke Pilate el lohng ma inge, el srike in suk elan tulalla Jesus. Tuh un mwet uh wowoyak ac fahk, "Kom fin tulalla, kalmac pa kom tia mwet kawuk lal Caesar! Kutena mwet su oru mu el sie tokosra el lain Leum Fulat lun acn Rome!"

13 Ke Pilate el lohng kas inge, el pwanulla Jesus nu likin lohm ah, ac muta fin mwe muta in nununku in acn se ma pangpang "Falful Eot." (In kas Hebrew pangpang "Gabbatha.") 14 In pacl sac apkuran in sun infulwen len ke len se meet liki Kufwen Alukela. Pilate el fahk nu sin mwet uh, "Pa inge tokosra lowos an!"

15 Elos wowoyak ac fahk, "Unilya! Unilya! Srupsrulak fin sakseng soko!"

Pilate el siyuk selos, "Mea, kowos lungse nga in uniya tokosra lowos fin sakseng soko?"

Mwet tol fulat elos topuk, "Tokosra sefanna lasr, pa Caesar!"

16 Na Pilate el eisalang Jesus nu selos*19:16 nu selos: elos inge pa un mwet sac nufon. elos in unilya fin sakseng.

Jesus El Sripsripyak Fin Sakseng

(Matthew 27:32–44; Mark 15:21–32; Luke 23:26–43)