18 Tusruktu mwet fulat lun mwet Jew elos tia lungse lulalfongi mu el kun meet ac inge el ku in liye, nwe ke na elos pangonma papa ac nina kial 19 ac siyuk seltal, "Ma nutumtal pa mukul se inge? Komtal fahk mu el isusla tuh kun. Na fuka tuh inge el ku in liye?"
20 Papa ac nina kial topuk, "Kut etu lah el wen natusr, ac kut etu pac lah el isusla kun. 21 Tusruktu kut tia etu lah fuka tuh inge el ku in liye. Kut tia pac etu lah su akkeyalla ke kun lal uh. Siyuk sel. El matu ac el ku in sifacna topuk!" 22 Papa ac nina kial ah fahk ouinge mweyen eltal sangeng sin mwet fulat lun mwet Jew, su insesela tari mu mwet se ma fahk mu el lulalfongi lah Jesus pa Christ, ac sisila el liki iwen lolngok.9:22 sisila e liki iwen lolngok: el tia ku in sifil aengani yurin mwet Israel. 23 Pa oru papa ac nina kial ah fahk mu, "El matu. Siyuk sel!"
Domínio Público. Esta tradução bíblica de domínio público é trazida a você por cortesia de eBible.org.