14 Selngawiya len se nga isusla!

Mulkunla len se nina kiuk el osweyula!✝

15 Selngawiya mwet se su akenganye papa tumuk

Ke el us pweng wo se nu sel ac fahk,

"Tulik mukul se pa nutum!"

16 Lela elan oana siti nukewa

Ma LEUM GOD El kunausla ac wangin pakomuta lal.

Lela elan lohng tung in mwaiok ke lotutang,

Ac sulkakinyen mweun ke infulwen len,

17 Mweyen el tia uniyuwi meet liki nga isusla,

Na insien nina kiuk lukun pa kulyuk luk.

18 Efu ku nga isusla?

Ya ngan tuh sun mwe lokoalok ac mwe asor,

Ac in aksafyela moul luk ke mwekin?