Fwackyak Isusla Lun Jesus
26 Ke Elizabeth el pitutu malem onkosr, God El supwalla lipufan Gabriel nu in siti srisrik se in acn Galilee pangpang Nazareth. 27 Oasr sap soko el us nu sin sie mutan fusr virgin, su ako in payuk nu sin mukul se pangpang Joseph, su ma in fwilin tulik natul Tokosra David. Inen mutan fusr sac pa Mary. 28 Lipufan sac tuku nu yorol ac fahk, "Paing kom! Leum God El wi kom, ac El arulana akinsewowoye kom!"
36 Esamul Elizabeth, sie nina in sou lom an. Tuh fwack mu el tia ku in isus, a inge el pitutu malem onkosr lac, el finne arulana matuoh.
38 Na Mary el fahk, "Nga mwet kulansap lun Leum God. Lela ma inge in orek nu sik oana ke kom fahk." Na lipufan sac som lukel.
Mary El Som Nu Yorol Elizabeth
39 Tiana paht tukun ma inge, Mary el akola ac sulaklak na som nu in sie siti srisrik inmasrlon eol in acn Judea.
56 Mary el muta yorol Elizabeth malem tolu, na el folokla nu yen sel.
Domínio Público. Esta tradução bíblica de domínio público é trazida a você por cortesia de eBible.org.