39 Jesus el som liki siti uh nu Fineol Olive oana ke el oru pacl nukewa; ac mwet tumal lutlut elos welul som. 40 Ke el sun acn we el fahk nu selos, "Pre tuh kowos in tia putatyang nu in mwe sruhf."
41 Na el fahsr lukelos ke lusa se ma mwet se ac ku in sisla sie eot nu we, ac el sikukmutuntei ac pre. 42 El fahk, "Papa, fin ou lungse lom, eisla cup in keok se inge likiyu. Tusruktu, in tia ou lungse luk, a lela ma lungse lom in orek." [ 43 Sie lipufan inkusrao sikme nu sel ac akkeyal. 44 Ke arulana yohk keok lal ke nunkeya, el kwafeang na in pre; ac fio kacl uh tultul oana srah nu fin fohk uh.]22:44 Kutu Ma Simusla wangin fus 43 ac 44.
45 El tuyak liki pre lal, ac folokla nu yurin mwet tumal lutlut ac konauk lah elos motul, ke sripen totola lalos ke asor. 46 Ac el fahk nu selos, "Efu kowos ku motul? Ngutalik ac pre tuh kowos in tia putatyang nu ke mwe sruhf."
Sruhu Jesus
(Matthew 26:47–56; Mark 14:43–50; John 18:3–11)
Domínio Público. Esta tradução bíblica de domínio público é trazida a você por cortesia de eBible.org.