31 Arulana pusla mwet foroht forma nu yorolos, oru wangin pacl lal Jesus ac mwet tumal lutlut in mongoi. Na el fahk, "Kut som nu ke sie acn ma kut ku in mukena we, tuh kowos in ku in mongla kutu." 32 Na elos sroang nu ke soko oak ac kalla nu ke sie acn ma elos ac muku we.
33 Tusruktu mwet puspis liyalos ke elos som, ac elos etu lah su elos uh. Na elos kasrusr liki siti srisrik nukewa ac sun acn ma elos ac oai we meet lukelos. 34 Ke Jesus el srola liki oak ah, el liye un mwet puspis ac el pakomutalos, ke sripen elos oana sheep su wangin mwet shepherd lalos. Ouinge el mutawauk in luti ma puspis nu selos.
Domínio Público. Esta tradução bíblica de domínio público é trazida a você por cortesia de eBible.org.