24 Na Jesus el fahk, "Supweyukme nga nu sin sheep tuhlac sin mwet Israel mukena."
25 A mutan sac tuku ac putati nu ke nial ac fahk, "Leum, kasreyu!"
26 Ac Jesus el fahk, "Tia fal in eis mongo nun tulik ac sisla nu sin kosro ngalngul."
27 Na mutan sac fahk, "Aok, pwaye Leum, tusruktu finne kosro ngalngul uh, elos kang pac kutkut in mongo ma putatla liki tepu lun leum lalos uh."
28 Ke ma inge Jesus el fahk, "Kom sie mutan su arulana yohk lulalfongi la! Enenu lom an ac fah orek nu sum oana siyuk lom an." Na in kitin pacl ah na tulik mutan se natul ah kwela.
Domínio Público. Esta tradução bíblica de domínio público é trazida a você por cortesia de eBible.org.