13 Jesus el som nu yen ma oan apkuran nu Caesarea Philippi, ac el siyuk sin mwet tumal lutlut, "Mwet uh fahk mu su Wen nutin Mwet uh?"
16 Na Simon Peter el topuk ac fahk, "Kom pa Christ, Wen nutin God moul."
21 In pacl sac lac, Jesus el kaskas kalem na nu sin mwet tumal lutlut ac fahk, "Nga enenu na in som nu Jerusalem ac akkeokyeyuk sin un mwet matu, mwet tol fulat, ac mwet luti Ma Sap uh. Ac fah anwuki nga, tusruktu tukun len tolu, nga fah sifil akmoulyeyukyak."
22 Peter el solalla nu saya, ac mutawauk in kael ac fahk, "God El tia ku in lela in ouingan, Leum! Ma inge tia ku in sikyak nu sum!"
23 Jesus el forang nu sel Peter ac fahk, "Fahla likiyu, Satan! Kom sie mwe tukulkul nu sik, mweyen nunak lom ingan tia ma tuku sin God me, a ma sin mwet uh."
24 Na Jesus el fahk nu sin mwet tumal lutlut, "Kutena mwet fin lungse wiyu, el enenu in lafwekunul sifacna, srukak sakseng lal ac fahsr tukuk. 28 Pwayena nga fahk nu suwos, oasr kutu sin mwet inge su ac fah tiana misa nwe ke na elos liye ke Wen nutin Mwet el tuku in tokosrai lal."
Domínio Público. Esta tradução bíblica de domínio público é trazida a você por cortesia de eBible.org.