MATTHEW 22

17 Fahk nu sesr lah mea nunak lom? Ya ac lain Ma Sap lasr uh mwet uh in moli tax nu sin Caesar, tokosra in acn Rome, ku tia?"

18 Tusruktu Jesus el akilen pwapa koluk lalos, ac el fahk nu selos, "Kowos mwet wosounkas! Efu kowos ku srike in srifeyu? 19 Ase nu sik sie ipin mani ma sang akfalye tax an!"

Na elos use sie ac sang nu sel, 20 ac el siyuk selos, "Inen su, ac petsa lun su oan kac inge?"

21 Ac elos fahk, "Ma lun Caesar."

Na Jesus el fahk nu selos, "Fin ouingan, kowos sang nu sel Caesar ma lun Caesar, ac sang nu sin God ma lun God."