36 Na Jesus ac mwet tumal lutlut elos som nu in acn se pangpang Gethsemane, ac el fahk nu selos, "Kowos muta inge ac nga ac som nu meeto in pre." 37 El eisal Peter ac wen luo natul Zebedee welul, ac el mutawauk in asor ac toasrlana, 38 ac el fahk nu seltal, "Yoklana asor ac toasr lun insiuk, apkuranna nga in misa kac. Komtal mutana inge ac wiyu ngetnget ac soano."
39 El fahsr kutu nu meet, ac faksufi ac pre, "O Papa, fin ku, nga siyuk kom in eisla cup in keok se inge likiyu! Tusruktu in tia ou lungse luk, a in ou lungse lom."
Domínio Público. Esta tradução bíblica de domínio público é trazida a você por cortesia de eBible.org.