13 In pacl sac Jesus el tuku Galilee me nu yorol John ke Infacl Jordan tuh John elan baptaisella. 14 Tusruktu John el srike in oru Jesus elan ekulla nunkal. John el fahk, "Fal in nga pa baptaisla sum uh, a kom tuku nu yuruk!"
15 Tuh Jesus El fahk, "Pwaye, tuh ke pacl se inge oru oana nga fahk. Ke lumah se inge kut ac akfalye ma nukewa ma God El enenu in orekla uh." Ouinge John el insese nu kac.
16 Tukunna Jesus El baptaisla ah, el otyak liki kof uh. Na ikakla acn inkusrao nu sel ac el liye Ngun lun God oatume oana sie wuleoa ac tuhwi facl. 17 Na sie pusra inkusrao me fahk, "El inge Wen kulo nutik, su nga insewowo kacl."
Domínio Público. Esta tradução bíblica de domínio público é trazida a você por cortesia de eBible.org.